Назарбаев университетінің студенттері мүгедектерге арналған мобильді қосымша жасауда.
Назарбаев университетінің төрт студенті – Айбек Рысқалиев, Айсұлу Измаилова, Әлфия Құлмұханова және Ақжарқын Ізбасарова студенттер арасында тәжірибе алмасу бағдарламасы бойынша Үндістанның Керала штатында жүр. Алты аптаға созылатын мерзім ішінде олар Халықаралық еркін және ашық бағдарламалық қамту орталығында (Тhe International Centre for Free and Open Source Software (ICFOSS) тәжірибе алады.
«Бірнеше күннен кейін біз мобильді қосымшаның әзірлемесін аяқтаймыз» дейді Айсұлу. Студенттердің айтуынша, олардың қосымшасы мүмкіндігі шектеулі жандарға арналған. Белдікке тағылатын құрылғы смартфон арқылы жұмыс істейді. Қосымша құрылғыдағы камера көмегімен адамның алдындағы барлық нәрселерді салыстырып оқып, оның жолындағы кедергілер туралы сигнал береді. Пайдаланушы қандай да бір қауіптің немесе кедергінің барын сигнал дыбысының өзгеруіне қарап біле алады.
Айбек Рысқалиев мобильді қосымшаның одан әрі жетілдіріп, дамытатынына сенімді.
