Елорданың Қоршаған ортаны қорғау және табиғатты пайдалану басқармасы «Астана жастары» жастар ресурстық орталығымен бірлесе отырып, Есіл өзенінің жағалауын тазалады. Акцияға 50-ден астам ерікті қатысты.
Еріктілер қолдарына күрек, тырма, қап алып, маңайды қоқыстан тазартып, өзен жағасын ретке келтірді. Барлығы 8 тоннадан астам қоқыс жиналды.
Есіл өзенінің жағалауы елорда тұрғындары мен қонақтарының негізгі демалыс орындарының бірі болып саналады. «Астана жастары» еріктілері қаланың экологиялық акцияларына тұрақты түрде белсенді қатысып келеді.
