Тегін дәрі кімге тиесілі?
Қазақстанда 2019 жылға тегін медициналық көмектің кепілдік берілген көлемін қамтамасыз ету үшін дәрілерді сатып алу басталды. Алдағы уақытта дәрі-дәрмектер диспансерлік есепте тұрған, сонымен қатар стационарларда тегін ем қабылдайтын пациенттер үшін сатып алынады.
Сатып алынатын тізімге 1144 препарат кіреді, олардың 829-ы – дәрілік заттар және 315-і – медициналық мақсаттағы бұйымдар.
Тегін дәрі-дәрмектерді жіберуге арналған рецептіні учаскелік немесе мамандандырылған дәрігер нұсқау бойынша береді. Арнайы форманы толтыру үшін пациенттің жеке құжаты керек. Дәрі-дәрмектер мемлекет есебінен нақты рецепт бойынша белгілі дәріханада беріледі. Дәріхананың мекенжайын азамат өзі тіркелген емханадан ала алады. Барлық дәрі-дәрмек тегін берілмейтінін атап өту керек. Егер де науқасқа қажет дәрі-дәрмек тізімде болмаса, оны ол ақылы түрде алуға тиіс.
Кепілдендірілген тегін медициналық көмек көлемі шеңберінде дәрі-дәрмектерді алу барысында сізден препаратты ақылы түрде алуды талап етсе немесе дәріні беруден бас тартса, өзіңіз тіркелген емхананың басшылығына, тұрғылықты мекенжайыңыз бойынша жергілікті уәкілетті мемлекеттік органдарға немесе Денсаулық сақтау министрлігінің Фармация комитетінің департаментіне өтініш бере аласыз.
Бүгінгі күнде осы жүйенің қаржы операторы болып саналатын Әлеуметтік медициналық сақтандыру қоры елорданың 79 медициналық мекемесімен келісімшарт бекітті. Олардың 36-сы – мемлекеттік және 43-і – жеке меншіктегі мекеме.