Ұлыстың ұлы күніне орай «Астана ақшамы» және «Айқын» газеттерінің журналистері арасында ұлттық ойынымыз тоғызқұмалақтан жолдастық жарыс өтті.
Ұлттық құндылықтарды ұлықтау, журналистер арасындағы шығармашылық байланысты нығайту мақсатында өткен бұл сайыста «ақшамдықтар» ұпай санымен басым түсті. Журналистер бәсекесіне ҚР Тоғызқұмалақ федерациясының бас хатшысы Мақсат Шотаев қатысып, ойыншылардың шеберлігіне жоғары баға берді. Мерекелік жарыстан соң әріптестер «Айқын» газеті редакциясында ұйымдастырылған Наурыз тойына қатысты.
