Елордада төбесінен су ағып тұрған, жөндеуді қажет ететін бірнеше тұрғын үй кешені бар. Жақында солардың бірі – «Территория комфорта-2» тұрғын үйін жөндеу аяқталды. Халықтың шағымына құлақ түрген қала әкімдігі басшыларына үй тұрғындары алғыс білдіріп, жасалған жұмыстарға оң баға берді.
«Мына біздің 2 үйдің төбесі мен балкондарының плиталары туралы айтқан едік. Жаңбыр жауғанда, қар ерігенде бәрінен де су ағып тұрады. Қазір бүкіл төбені жасады, балкон төбелерін де дұрыстады, төменге құлап, ұшып жатқан термограниттің бәрін алып тастады. Жасалған жұмыс, сөзбен айтпай-ақ, былай қарағанның өзінде көрініп тұр» деді үй тұрғындарының бірі.
