Жайдарлы жас сарбаз
Нұр-Сұлтан қаласында арнайы мамандандырылған «Жас сарбаз» сыныптарының тәрбиеленушілері арасында «Жайдарлы жас сарбаз» жайдарман ойындары өтті.
Жастар жылы аясында Қазақстан халқы бірлігі күніне орай жасөспірімдерді өнерге баулу, өнерлі жас сарбаздардың артықшылықтарын көрнекілендіру мақсатында өткізілген бұл шараны «Жас сарбаз» жасөспірімдер әскери-патриоттық қозғалысы республикалық қоғамдық бірлестігінің Нұр-Сұлтан қалалық филиалы ұйымдастырды.
Филиал басшысы Асхат Бағдатұлының айтуынша, сайысқа қатысуға 30-дан аса команда өтініш білдірген. Іріктеуден кейін ең үздік 10 команда ақтық жарысқа жолдама алыпты. Жарыс өте тартымды, қызықты өтті. Ойын соңында жеңімпаз командалар анықталды. Бас жүлде №42 мектеп оқушыларынан жасақталған «Сүйкімділер» командасына берілді.
«Жас сарбаз» жасөспірімдер әскери-патриоттық қозғалысы республикалық қоғамдық бірлестігінің мүшелері, қалалық «Жайдарман ойындары» ұйымының жетекшілері, елімізге
танымал әзіл-оспақшылар шараға қатысты.