Биылғы жылдың сәуір айында басталған «ZhasStar» Жастар саясаты орталығының «Бір мақсат, бір мүдде, бір болашақ!» атты жоба аясындағы іс-шаралар топтамасы өз мәресіне жетті.
Қалалық Жастар саясаты мәселелері басқармасының қолдауымен өткен аталмыш жоба шеңберінде киіз үйлер тігіліп «жастар ауылы» құрылды. Тоғызқұмалақ, асық ату, алтыбақан сынды қазақтың ұлттық ойындары ойнатылып, жүзден жүйріктері бағалы сыйлықтарға ие болды. Ұлттық салт-дәстүрге қатысты сахналанған көріністер де көрермен назарынан тыс қалмады.
Сондай-ақ, уақытты тиімді пайдалану, коммуникацияны басқару жөнінде елордалық студенттерге арналған семинар-тренингтер өткізілді. Өскелең ұрпақты отансүйгіштікке баулуды мақсат тұтқан бұл іс-шараларға маусым айына дейін 1500-ден астам адам қатысты.
Мәдина ЖАҚЫП
