Осындай атаумен Халықаралық балаларды қорғау күні қарсаңында Сарыарқа ауданының теміржол қызметкерлері арасында спартакиада өтті.
Спартакиаданың салтанатты ашылу рәсіміне «Қамқор Локомотив» ЖШС техникалық директоры Жанатбек Адамбаев, «Қамқор Магистраль» кәсіподақ ұйымының төрағасы Светлана Байқадамова және Сарыарқа ауданы әкімі аппаратының бас маманы Аяулым Қанатқызы қатысып, жарысқа қатысушыларға сәттілік тіледі. Құттықтау сөз сөйлегендер балалар еліміздің жарқын болашағы екенін, әрдайым оларға қамқорлық таныту қажет екенін атап айтты.
Астана локомотив жөндеу депосының жұмыскерлері 6 командаға бөлініп, көңілді сайысқа 7-9 жас аралығындағы балаларымен бірге қатысты. Берілген тапсырмаларды орындап, көңілді және тартысты ойын көрсетті. Сондай-ақ «Ең тапқыр отбасы», «Ынтымақты отбасы», «Креативті отбасы», «Мықты отбасы», «Мерейлі отбасы» номинациялары бойынша үздіктер анықталып, бағалы сыйлыққа ие болды.
