Ресми бет
Шахматтан үздікпіз
![](https://astana-akshamy.kz/wp-content/uploads/2023/04/WhatsApp-Image-2023-04-26-at-16.42.22-6-1.jpeg)
Грекияның Родос қаласында шахматтан оқушылар арасында әлем чемпионаты өтті. 54 елден 509 шахматшы келген бәсеке алаңы тартысты болды.
Классикалық шахмат бойынша G09 санатында сынға түскен елордалық Аланна Берікқызы 9 ойынның 8-інде жеңіске жетіп, І орыннан көрінді. Тағы бір жерлесіміз Әмина Қайырбекова 17 жасқа дейінгі шахматшылар арасында 8 ойында ұтып, алтын медальді еншіледі. Ал 9 жастағы астаналық Жауынбай Әлімжан қола медальға ие болды.
Командалық есепте 2 алтын, 2 күміс, 5 қола медаль алған Қазақстан І орын алды. Медаль саны бойынша Түркия ІІ, Моңғолия ІІІ орыннан көрінді.