بيىلعى جارىستىڭ جۇلدە قورى-125 مىڭ اقش دوللارى.
بيىل 18-ءشى رەت ۇيىمداستىرىلىپ وتىرعان بايراقتى باسەكەدە اتر جانە ءىتF سەريالارى اياسىندا سىنعا ءتۇسىپ جۇرگەن بىرنەشە ۇزدىك سپورتشىلار قاتىسادى. قازاقستان پرەزيدەنتى كۋبوگى ءۇشىن وتەتىن حالىقارالىق ءتۋرنيردىڭ تانىمدىلىعى جىل سايىن ارتىپ كەلە جاتقانى بايقالادى. وسى جارىسقا قاتىسۋشىلاردىڭ قاتارى كوبەيىپ كەلەدى. وتكەن جىلى ايتۋلى تۋرنيرگە الەمنىڭ 30 ەلىنەن تەننيسشىلەر قاتىسقان بولاتىن.
بيىلعى ءتۋرنيردىڭ جۇلدە قورى 125 مىڭ اقش دوللارى بولىپ وتىر.
قازاقستان نامىسىن ەرلەر اراسىنداعى سايىستا تيمۋر حابيبۋلين, رومان حاسانوۆ, بولات مامىر, دميتري پوپكو قورعاسا, ايەلدەر باسەكەسىندە كاميلا كەرىمباەۆا, گوزال اينيتدينوۆا جانە جىبەك قۇلانباەۆا قورعايتىن بولادى.
تۋرنير بارىسىندا تەك قانا كاسىپقوي تەننيسشىلەر ونەر كورسەتىپ قويماي, بالالار مەن اۋەسقويلار اراسىندا دا ويىندار وتكىزۋ جوسپارلانىپ وتىر.
تۋرنير جارىستارى 25-31 شىلدە كۇندەرى ساعات 11.00-دە باستالادى. جانكۇيەرلەر ءۇشىن كىرۋ – تەگىن.
