استانادا اباتتاندىرۋ, كوگالداندىرۋ جانە سانيتارلىق تازارتۋ جۇمىستارىنا اسا نازار اۋدارىلادى. 18 ءساۋىر مەن 18 مامىر ارالىعىندا استانا قالاسىنىڭ قالالىق جانە اۋداندىق اكىمدىكتەرىنىڭ ۇيىمداستىرۋىمەن ەكولوگيالىق ايلىق ءوتتى.
ەكولوگيالىق ايلىقتىڭ اياسىندا 23 ساۋىردە جالپىقالالىق سەنبىلىك جۇمىستارى وتكىزىلدى. تازارتۋ جۇمىستارىنا بارلىق ۆەدومستۆو, بيزنەس وكىلدەرى, سونداي-اق قالا تۇرعىندارى قاتىسىپ, وزدەرىنىڭ اۋماقتارىن, عيماراتتىڭ توڭىرەگىن تازارتىپ, رەتكە كەلتىردى. جۇمىستىڭ كوپ بولىگىن قالاداعى كوممۋنالدى قىزمەت اتقاردى.
سەنبىلىك – جۇرتشىلىقتىڭ ءوز ەرىكتەرىمەن ەڭبەك ەتۋ كۇنى. بۇل كۇنى بارشا استانالىقتار قالانىڭ تازالىعى ءۇشىن قولىنا كۇرەك, كەتپەن ۇستاپ, جۇمىس ىستەيدى. سەنبىلىك تەك قانا ءبىزدىڭ مەملەكەتتە عانا ەمەس, وزگە ەلدەردە دە داستۇرگە اينالعان. مىسالى, بۇرىنعى كەڭەس ەلدەرىنەن باسقا, اقش, گەرمانيا, پولشادا ايىنا ءبىر رەت سەنبىلىك وتكىزىلەدى.
سەنبىلىك – تازالىق ايلىعى عانا ەمەس, ءبىر-بىرىمەن ەمىن-ەركىن تىلدەسۋ, وي-پىكىر ءبولىسۋ الاڭى.
استانا قالاسى تۇتىنۋشىلاردىڭ قۇقىقتارىن قورعاۋ دەپارتامەنتىنىڭ ماماندارى ەكولوگيالىق ايلىق كەزىندە لاستانعان ورىنداردى, زاڭسىز ۇيىندىلەردى انىقتاۋمەن بىرگە, كونتەينەر اۋماعىنىڭ تازالىعىنا مونيتورينگ جۇرگىزەدى.
بۇگىنگى كۇنى وزەكتى ماسەلە پرومىشلەننىي, پريگورودنىي تۇرعىن الاپتارى مەن «گازماشاپپاراتۋرا», قورعالجىن تاس جولى اۋماعىنىڭ تازالىعى بولىپ تۇر. بۇل جەرلەر قانشا تازالانسا دا بەلگىلى ءبىر ۋاقىتتان كەيىن قايتادان قوقىستار ءۇيىلىپ قالادى. ونىڭ باستى سەبەبى – ساياجاي يەلەرى اينالانىڭ تازالىعىنا نەمقۇرايلى قاراپ, قوقىستارىن سىرتقا شىعارىپ تاستاۋىنان. كوبىنەسە قالا ماڭىندا, جول بويىندا, سۋ توعاندارى جاعاسىندا, ساياجاي اۋماقتارىندا قوقىستار تاستالادى.
قالامىزدىڭ ماقتانىشى ەسىل وزەنى ەكەنى بەلگىلى. وكىنىشكە قاراي, ونىڭ جاعاسىندا دا لاستانعان ورىندار, زاڭسىز تۇرمىستىق جانە قۇرىلىس قوقىستار ۇيىندىلەرى انىقتالدى.
ءتيىستى ۇيىمدار قالانى قوقىستان تۇراقتى تۇردە تازالايدى.الايدا قالا تۇرعىندارى مەن قوناقتارىنا, قۇرىلىس وبەكتىلەرىنىڭ باسشىلارىنا بەلگىلەنبەگەن جەرلەرگە قوقىس تاستاپ, اۋماقتى لاستاماۋدى ەسكەرتەمىز.
اتا-انالار بالالارىن كىشكەنتايىنان باستاپ مادەنيەتكە, ءتارتىپ پەن جاقسى ادەتتەرگە باۋلىعانى ءجون.
ءاربىر تۇرعىن استانانىڭ تازا جانە ادەمى بولۋىنا اتسالىسۋى كەرەك.
ت.ستولپنيك,
استانا قالاسى تۇتىنۋشىلاردىڭ
قۇقىقتارىن قورعاۋ دەپارتامەنتىنىڭ
باس مامانى
