ەلىمىزدە 16-20 مامىر ارالىعىندا «زاڭسىز كەلۋشى – 2016» وپەراتسياسىنىڭ ءبىرىنشى كەزەڭى وتكىزىلدى. ارنايى ءىس-شارا كەزىندە قازاقستانعا زاڭسىز كەلگەن 1,6 مىڭ ادام ەلدەن شىعارىلدى.
قر ىشكى ىستەر مينيسترلىگىنىڭ مالىمەتىنشە, تەكسەرىس ۋاقىتىندا قازاقستاندا بولۋ ەرەجەسىن بۇزعانى ءۇشىن 17 مىڭ شەتەلدىك اكىمشىلىك جاۋاپكەرشىلىككە تارتىلدى. سوت شەشىمىمەن ەلىمىزدەن 1 635 ادام شىعارىلىپ جىبەرىلدى, ونىڭ ىشىندە 83 ادام ازاماتتىق سوت ءوندىرىسى تارتىبىندە شىعارىلدى.
شەتەلدىك جۇمىس كۇشىن تارتۋ جانە پايدالانۋ ەرەجەسىن بۇزعانى ءۇشىن 1 735 جۇمىس بەرۋشى اكىمشىلىك جاۋاپكەرشىلىككە تارتىلدى. ىزدەستىرۋدە جۇرگەن 80 ادام, ونىڭ ىشىندە الىس شەتەلدىڭ 2 ازاماتى جانە تمد-نىڭ 5 ازاماتى ۇستالدى.
كوشى-قون زاڭناماسىن بۇزعانى ءۇشىن سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىندە 187 قىلمىستىق قۇقىق بۇزۋشىلىق تىركەلدى.
ازامات ەسەنجول
