ADAL پارتياسى پارلامەنت ءماجىلىسى سايلاۋى قارساڭىنداعى ۇگىت-ناسيحات ج ۇ م ى س ت ا ر ى ن ج ءۇ ر گ ءى ز ۋ د ءى جالعاستىرۋدا. وسىعان دەيىن پارتيا وكىلدەرى رەسپۋبليكا بويىنشا 1 522 كەزدەسۋ وتكىزدى.
ۇمىتكەرلەر تۇرعىندارمەن كەزدەسۋ بارىسىندا پارتيانىڭ باعدارلاماسىن ءتۇسىندىرىپ, سونىمەن قاتار ازاماتتاردىڭ وتىنىشتەرىن تىڭداپ, ولاردى تولعاندىرعان سۇراقتارىنا ناقتى جاۋاپ بەردى.
كەزدەسۋلەر بارىسىندا تۇرعىنداردىڭ اراسىندا جەرگىلىكتى اتقارۋشى بيلىكتىڭ قىزمەتىنە كوڭىلى تولمايتىندار, مەملەكەت تاراپىنان كورسەتىلەتىن كومەكتى جەتكىلىكسىز دەپ ەسەپتەيتىندەر بولىپ, وسى جاعدايعا بايلانىستى ويلارىن ورتاعا سالدى.
ADAL پارتياسىنىڭ وكىلدەرى بازارلارعا, ساۋدا ورتالىقتارىنا بارىپ, كەزدەسۋلەردە كəسىپكەرلەر پارتيا وكىلدەرىنە كوكەيلەرىندە جۇرگەن سۇراقتارىن قويدى. مəسەلەن, الماتى وبلىسى الاكول اۋدانى ءۇشارال قالاسىنىڭ تۇرعىنى «ناۋرىز ايىنان باستاپ تولىق جۇمىس ىستەۋگە رۇقسات جوق. پاندەمياعا بايلانىستى ءبىزدىڭ مەكەمە دە جابىلدى. ءبىز شىعىنعا ۇشىراپ وتىرمىز. ەشكىم ءۇيدىڭ جالداۋ اقىسى مەن كوممۋنالدىق قىزمەت تولەمىن توقتاتپادى. مەملەكەت وسىنداي ۋاقىتتا قانداي دا ءبىر كومەك كورسەتسە دەگەن تىلەك بار. ءبىز وتباسىمىزدى باعۋىمىز كەرەك. ءبىز وسىنداي مəسەلەلەردە مەملەكەت تاراپىنان قولداۋ كۇتەمىز» دەپ كوكەيىندەگىنى اشىپ ايتتى. قىزىلوردا وبلىسىنداعى شارۋالاردىڭ ءبىرى: «بانك بىزگە تۇرمىستىق تەحنيكا, باسقا دا بۇيىمدار ساتىپ الۋعا, توي وتكىزۋگە 3-تەن 6 ميلليون تەڭگەگە دەيىن نەسيە بەرەدى. ال ەگەر اۋىل تۇرعىنى اۋىلداعى فەرمەرلىكتى دامىتۋ ءۇشىن اقشا العىسى كەلسە, ولار باس تارتىپ, دەپوزيت تالاپ ەتەدى. ونىڭ ۇستىنە ادامدارعا ءتۇرلى پروتسەدۋرالاردان, بيۋروكراتيالىق كەدەرگىلەردەن ءوتۋ كەرەك. سوندىقتان ءبىزدىڭ اۋىل شارۋاشىلىعىمىز وتە ناشار دامىپ كەلەدى» دەگەن پىكىر ءبىلدىردى. ال تۇركىستان وبلىسىنىڭ قازىعۇرت اۋىلىنىڭ تۇرعىنى جەر كوپ بولعانىمەن, جايىلىمنىڭ جوقتىعىن, وسى ماسەلەنى قاراستىرۋ قاجەتتىگىن ايتتى. كەزدەسۋلەر بارىسىندا ADAL پارتياسىنىڭ مۇشەلەرى وزدەرى ۇسىنعان باعدارلامانىڭ 30 پايىزى كəسىپكەرلىكتى قولداۋعا باعىتتالعانىن, وسى باعىتتا جۇمىس جۇرگىزىلەتىنىن, سونىمەن قاتار مىڭ مەملەكەتتىك قىزمەتكەردىڭ جالاقىسىن كوتەرۋدى قولدايتىنىن ءمالىم ەتتى. ADAL پارتياسى رەسپۋبليكا ايماقتارىندا كۇنىنە 200-گە جۋىق كەزدەسۋ وتكىزىپ كەلەدى.
