استانا قالاسىنىڭ اكىمى جەڭىس قاسىمبەكتىڭ قاتىسۋىمەن Amanat پارتياسى استانا قالالىق فيليالى «حالىقپەن بىرگە!» سايلاۋالدى باعدارلاماسىنىڭ جول كارتاسىن ىسكە اسىرۋ بارىسى تۋرالى استانا قالالىق ءماسليحاتى فراكتسياسىنىڭ VII جينالىسى ءوتتى.
سايلاۋالدى باعدارلاما نەگىزگى 4 باعىتتان تۇرادى. بيىل 126 تارماقتى قۇرايتىن جول كارتاسىنىڭ 117 تارماعى ورىندالۋ بارىسىندا. ال قالعان 9-ى بويىنشا ورىندالۋ مەرزىمى باستالعان جوق.
قازان ايىندا استانا قالاسى بويىنشا سايلاۋالدى باعدارلامانىڭ ورىندالۋىنا جۇرگىزىلگەن تالداۋعا سايكەس, 2023 جىلى ورىندالاتىن 117 ءىس-شارانىڭ 47-ءسى مارەسىنە جەتسە, ورىنداۋ ساتىسىندا 70-ءى تۇر. جەڭىس قاسىمبەك جول كارتاسىنىڭ تارماقتارى بويىنشا ناقتى اتقارىلعان جۇمىستاردى اتاپ ءوتتى.
«قۇرىلىس جۇمىستارىنىڭ كولەمى 7,2 پايىزعا ارتتى. 2,9 ملن شارشى مەتر تۇرعىن ءۇي پايدالانۋعا بەرىلدى, بۇل وتكەن جىلدىڭ سايكەس كەزەڭىمەن سالىستىرعاندا 49 پايىزعا ارتىق. تاۋار اينالىمى بويىنشا سوڭعى بىرنەشە جىلدا استانا شاعىن جانە ورتا بيزنەستىڭ ۇلەسى بويىنشا كوشباسشىلىعىن ساقتاپ كەلەدى. بيىلعى ءبىرىنشى جارتىجىلدىقتا بۇل كورسەتكىش 73 پايىزدى قۇرادى, بۇل ورتاشا رەسپۋبليكالىق كورسەتكىشتەن 2 ەسەگە كوپ. جۇمىسسىزدىق دەڭگەيى 4,4 پايىزدى قۇرادى, بۇل ورتاشا رەسپۋبليكالىق دەڭگەيدەن 4,7 پايىزعا تومەن. جۇمىسپەن قامتۋ ءىس-شارالارىمەن 23 مىڭ ادام قامتىلدى. 12 مىڭنان استام ادام جۇمىسقا ورنالاستى, ونىڭ ىشىندە 7,5 مىڭ ادام تۇراقتى جۇمىس ورىندارىنا يە بولدى. جۇمىسسىزدارعا كومەك كورسەتۋ جانە ولاردى جۇمىسپەن قامتۋعا جاردەمدەسۋ ءۇشىن «Joltap» جوباسى ىسكە قوسىلدى, ونىڭ شەڭبەرىندە «بارشاعا قولداۋ» مودۋلدىك پۋنكتتەرى ارقىلى تۇرعىندار كىرىستەردى ارتتىرۋ مۇمكىندىكتەرى بويىنشا كەڭەس الا الادى. ينفراقۇرىلىمعا كەلسەك, №3 جىلۋ-ەلەكتر ورتالىعىنىڭ ءبىرىنشى كەزەگى مەن «تۇران» جانە «وڭتۇستىك-شىعىس» ەكى گاز جىلۋ ستانتسياسىنىڭ قۇرىلىسى اياقتالدى, بۇل قوسىمشا 1130 گكال جىلۋ قۋاتىن قامتاماسىز ەتتى. ماۋسىم ايىندا استانا سۋ قويماسىنان قوسىمشا سۋ قۇبىرى ىسكە قوسىلدى, بۇل تاۋلىگىنە 90 مىڭ تەكشە كولەمىندە قوسىمشا سۋ بەرۋدى قامتاماسىز ەتتى. بۇگىنگى تاڭدا قالادا سۋ تاپشىلىعى بايقالمايدى. اۆتوكولىك قوزعالىسى تۋرالى ايتساق, نەگىزگى ماگيسترالدارداعى جۇكتەمەنى ازايتۋ ءۇشىن قازان ايىنىڭ سوڭىندا ءال-فارابي داڭعىلىنان تاۋەلسىزدىك داڭعىلىنا دەيىنگى جاڭا كوپىر ارقىلى جول اشىلدى. 165 قوعامدىق جانە اۋلا كەڭىستىگىن اباتتاندىرۋ اياقتالدى. جالپى 45 جاسىل ايماق قۇرىلدى, ونىڭ ىشىندە 2 ساياباق, 10 سكۆەر جانە 33 قوعامدىق كەڭىستىك بار. بۇل – قالا تۇرعىندارى مەن قوناقتارىنا جاقسى تانىس جەرلەر. قالادا كەزەكتە تۇرعان ءارتۇرلى ساناتتاعى 1,4 مىڭ وتباسىنا, سونىڭ ىشىندە جەتىمدەرگە, كوپبالالى انالارعا, الەۋمەتتىك جاعىنان احۋالى تومەن جانە جالعىز تۇرعىن ءۇيى اپاتتى دەپ تانىلعاندارعا باسپانا بەرىلدى. بيىل 14 جاڭا مەكتەپتىڭ قۇرىلىسى اياقتالادى. ونىڭ 6-ۋى پايدالانۋعا بەرىلدى, 8 مەكتەپتىڭ قۇرىلىسى جالعاسۋدا (جىل سوڭىنا دەيىن ىسكە قوسۋ جوسپارلانۋدا). بۇدان باسقا, «جايلى مەكتەپ» جوباسى بويىنشا 2025 جىلعا قاراي 90 مىڭ وقۋشىعا ارنالعان 24 مەكتەپ سالىنادى. ونىڭ 15-ءى ەسىل مەن نۇرا اۋداندارىندا ورنالاسادى» دەدى اكىم.
Amanat پارتياسى استانا قالالىق فيليالىنىڭ اتقارۋشى حاتشىسى ساقتاعان سادۋاقاسوۆ ءسوز سوڭىندا سايلاۋالدى باعدارلامانىڭ ورىندالۋىن جان-جاقتى باقىلاۋدى قامتاماسىز ەتۋ قاجەتتىگىن تىلگە تيەك ەتتى.
«سايلاۋالدى باعدارلاما – ستراتەگيالىق قۇجات, وسى باعدارلامامەن سايلاۋعا تۇستىك. سايلاۋشىلارىمىز بىزگە, ءبىزدىڭ باعدارلامامىزعا سەندى. ماسليحاتتاعى 34 ورىننىڭ 29-ى – ءبىزدىڭ پارتيالىقتار, ءبىزدىڭ سايلاۋشىلارىمىز بىزدەن ناتيجە كۇتۋدە, بۇل – پارتيا مەن بيلىككە, پارتيا مۇشەلەرىنە, باسشىلىق لاۋازىمدارعا دەگەن سەنىم» دەدى ول.
فراكتسيادا جول كارتاسىنىڭ ورىندالۋىنا جاسالعان مونيتورينگ قورىتىندىسى تالقىلانىپ, قارالعان ماسەلەلەرگە دەپۋتاتتار تاراپىنان ۇسىنىستار ايتىلدى.
