ەلوردادا مەملەكەت باسشىسى قاسىم-جومارت توقاەۆتىڭ جاريالاعان «بالالار جىلى» اياسىندا بىرقاتار جوبالار جۇزەگە اسۋدا. سونىڭ ءبىرى – نۇر-سۇلتان قالاسى مادەنيەت باسقارماسىنىڭ ۇيىمداستىرۋىمەن تەلەجۇرگىزۋشى, اكتريسا, كوپبالالى انا جۇلدىز ابدىكارىموۆامەن وتكەن كەزدەسۋ.
«باقىتتى شاڭىراق» قوعامدىق قورىنىڭ ورتالىعىندا وتكەن جۇزدەسۋ قايىرىمدىلىق سيپاتتا بولدى. ويتكەنى ەرەكشە بالالاردى تاربيەلەپ وتىرعان اتا-انالارعا قوعام نازارىن اۋدارىپ, ولارعا دەم بەرۋ – اتالعان شارانىڭ ماقساتى. قوعامدىق قور ورتالىعىندا ج.ابدىكارىموۆا انالارمەن سىرلاسىپ, ءوز باسىنان وتكەرگەن وقيعالارىن باياندادى. سەبەبى اكتريسا بالاسى نارۇلدىڭ جۇرەگىنە كۇردەلى وتا جاساتىپ, باۋىر ەتىنىڭ قالاي قينالعانىنا كۋا بولعان. تۇلا بويى تۇڭعىشى تۇنشىعىپ تۇرىپ «ماما» دەپ اناسىن كومەككە شاقىرعاندا, ول ءوزىن قويارعا جەر تاپپاعانىن ايتادى.
«قازىرگى تاڭدا بالالاردىڭ دەنساۋلىعىنا قاراي بولە قاراپ, قابىلداۋ بەلەڭ العان. مەنىڭ ويىمشا, ءاربىر ادام تەڭ مۇمكىندىك پەن قۇقىققا يە بولۋى كەرەك. بۇل ماسەلەنى شەشۋدە بەلگىلى تۇلعالاردىڭ, دەپۋتاتتاردىڭ, بلوگەرلەردىڭ, ەسترادا جۇلدىزدارىنىڭ كومەگى كەرەك. كوپ بولىپ وسى ىسكە ۇيىسقاندا انالارعا قول ۇشىن سوزىپ, سۇراقتارىنا جاۋاپ بەرىپ, مۇڭدارىمەن بولىسەتىن بولامىز» دەدى جۇلدىز ابدىكارىموۆا جۋرناليستەرگە بەرگەن سۇحباتىندا.
«باقىتتى شاڭىراق» قورى ەكى جىل بۇرىن باس شاھاردا اشىلعان بولاتىن. سودان بەرى ەرەكشە تاعدىرلى بالالارى بار 500 وتباسىنىڭ باسىن قوسىپ, وقىتىپ, ماتەريالدىق تۇرعىدا قامتاماسىز ەتىپ, جۇمىسقا ورنالاستىرۋعا ىقپال جاساپ كەلەدى.
بايان اسىلبەكوۆا
