استانا قالاسىنىڭ قان ورتالىعى «دونوردىڭ 5 يگى ءىسى» بىرلەسكەن مارافونىن باستادى. ۇيىمداستىرۋشىلاردىڭ ايتۋىنشا, بۇل مارافون – قۇرمەتتى دونور بولۋدىڭ تاماشا مۇمكىندىگى. ويتكەنى قايتىمىن كۇتپەيتىن اكتسيالارعا قاتىسۋ – مەيىرىم مەن جاناشىرلىقتىڭ بەلگىسى.
شاراعا قاتىسۋ ءۇشىن ءاربىر ادام 5 يگى ءىس جاساۋى قاجەت. بىرىنشىدەن, 2023 جىلى 4 تامىز بەن 25 جەلتوقسان ارالىعىندا استانا قالاسىنداعى ترانسفۋزيولوگيا عىلىمي-وندىرىستىك ورتالىعىنا كەلىپ, ترومبوتسيتتەردى كەمىندە 5 رەت تاپسىرۋى ءتيىس. ودان ءارى بۇل اكتسيا تۋرالى مەيلىنشە كوبىرەك ادام ءبىلۋى ءۇشىن دوناتسيا كەزىندە سۋرەتكە ءتۇسىپ, الەۋمەتتىك جەلىدە, سۋرەتتى الا وتىرىپ, جازبا جاريالايدى. وندا دوستارىن بەلگىلەپ, ولاردى قان تاپسىرۋعا شاقىرادى. پوستتان بولەك, الەۋمەتتىك جەلىدەگى ستوريستە رەپوست جاساپ, قان ورتالىعىنىڭ الەۋمەتتىك جەلىدەگى پاراقشاسىن بەلگىلەيدى. ۇيىمداستىرۋشىلار بارلىق جاريالانعان جازبامەن تانىسىپ, ونى ءوز پاراقشاسىندا كورەرمەندەرمەن بولىسەدى. سوسىن ترومبوتسيتتەردىڭ ءاربىر 5 دوناتسياسى ءۇشىن دونورلارعا ەستەلىك سىيلىقتار بەرەدى.
ايتا كەتەرلىگى, قر قولدانىستاعى زاڭناماسىنا سايكەس, سالماعى 50 كەلىدەن ارتىق, جاسى 18-دەن اسقان, ءىس-ارەكەتكە قابىلەتتى ازاماتتار دونور بولا الادى. جاقىندا اۋىرعان, وتا جاساتقان, الەمنىڭ كەيبىر ەلىنە بارعان ادامدار دونورلىقتان ۋاقىتشا نەمەسە تۇراقتى شەتتەتۋ ءۇشىن نەگىز بولادى.
