ەلوردالىق اكىمدىكتە ەنەرگەتيكا كەشەنىنىڭ كۇزگى-قىسقى ماۋسىمعا دايىندىق جۇمىستارى پىسىقتالدى

قالالىق اكىمدىكتە قۇرىلىس, ەكولوگيا, كولىك, ساۋدا جانە تۇرعىن ءۇي-كوممۋنالدىق شارۋاشىلىق ماسەلەلەرى جونىندەگى كوميسسيانىڭ وتىرىسى ءوتتى.

الدىمەن ەنەرگەتيكا باسقارماسىنىڭ باسشىسى باقتىبەك جاپاەۆ ءماسليحات دەپۋتاتتارىنا ەلوردانى جىلۋمەن قامتاماسىز ەتەتىن كاسىپورىنداردىڭ كەزەكتى ماۋسىمعا دايىندىعىن باياندادى. ونىڭ ايتۋىنشا, استانا قالاسىن جىلۋمەن جەس-1, جەس-2 جانە «استانا-ەنەرگيا» اق اۋداندىق قازاندىقتارى قامتاماسىز ەتەدى. بۇگىندە اتالمىش كاسىپورىندار نەگىزگى جانە قوسالقى قۇرال-سايماندارى بەكىتىلگەن كەس­تەگە سايكەس جوندەۋ جۇمىستارىنان وتكەن.
– ەلوردادا ورتالىقتاندىرىلعان جىلۋمەن جابدىقتاۋ جۇيەسىنە قوسىلعان 2455 الەۋمەتتىك نىسان بار. وعان 2146 تۇرعىن ءۇي, 28 دەنساۋلىق ساقتاۋ, 152 ءبىلىم نىسانى جانە 9 مادەنيەت مەكەمەسى كىرەدى. 2016-2017 جىلدارى جىلىتۋ ماۋسىمى باستالعانشا, ەنەرگوكەشەن تولىقتاي دايىندىق تولقۇجاتىن الادى, ال الەۋمەتتىك نىساندار مەن تۇرعىن ۇيلەر 100 پايىز دايىن بولادى, – دەيدى ەنەرگەتيكا باسقارماسىنىڭ باسشىسى باقتىبەك جاپاەۆ.
جيىندا ەسىل, سارىارقا جانە الماتى اۋدانى اكىمدەرىنىڭ ورىنباسارلارى دا وزدەرىنە تيەسىلى اۋماقتاعى دايىندىق جۇمىستارى تۋرالى باياندادى.

گۇلميرا شارحانقىزى