بالالاردىڭ قاۋىپسىزدىگىن قامتاماسىز ەتۋ ماسەلەسى – مەملەكەتتىڭ اسا ماڭىزدى مىندەتتەرىنىڭ ءبىرى. وسى ماقساتتا استانا قالالىق ءبىلىم باسقارماسى تاراپىنان كەشەندى جۇمىستار جۇرگىزىلۋدە, بۇگىندە ەلوردالىق ءبىلىم بەرۋ ۇيىمدارى بەينەباقىلاۋ جۇيەلەرىمەن 100 % قامتاماسىز ەتىلگەن.
قازىرگى كەزدە بارلىق ءبىلىم بەرۋ ۇيىمدارىندا قالالار اۆتوماتتى ءورت دابىلى جۇيەسىنە قوسىلعان جانە تسيفرلىق بەينەباقىلاۋمەن قامتاماسىز ەتىلگەن. سونداي-اق بارلىق كامەرالار مەن دابىل تۇيمەلەرى جەدەل باسقارۋ ورتالىعىنا قوسىلعان.
ساندىق بەينەباقىلاۋمەن قامتاماسىز ەتۋ 100 %-دى قۇرايدى.
بۇگىنگى تاڭدا قالانىڭ بارلىق مەكتەپتەرى دەرەكتەردى بەرۋ جىلدامدىعى 100 مبيت/س بولاتىن جوعارى جىلدامدىقتى ينتەرنەتپەن قامتاماسىز ەتىلگەن.
تالاپتار ساقتالادى
استانانىڭ ءبىلىم بەرۋ ۇيىمدارىندا ورناتىلعان كامەرالار «ۇلتتىق بەينەمونيتورينگ جۇيەسىنىڭ جۇمىس ىستەۋ قاعيدالارىن بەكىتۋ تۋرالى» قازاقستاننىڭ ۇلتتىق قاۋىپسىزدىك كوميتەتى توراعاسىنىڭ 2020 جىلعى 27 قازانداعى № 69-قە بۇيرىعىنىڭ تالاپتارىنا سايكەس كەلەدى.
ليتسەنزيالانعان كۇزەت بويىنشا بارلىق ءبىلىم بەرۋ وبەكتىلەرىندە كۇزەتتى 1 ساناتتى ليتسەنزياسى بار فيرمالار قامتاماسىز ەتەدى.
«كۇزەت قىزمەتى تۋرالى» زاڭعا ەنگىزىلگەن سوڭعى وزگەرىستەرگە سايكەس, ءبىلىم بەرۋ وبەكتىلەرىندە كۇزەت قىزمەتتەرىن كورسەتەتىن ۇيىمداردىڭ 1 ساناتتاعى ليتسەنزياسى بولۋى مىندەتتى (مىندەتتى تۇردە: مەنشىك قۇقىعىندا راديوبايلانىستىڭ نە راديوجيىلىكتەردى جالداۋ شارتىنىڭ, مەنشىك قۇقىعىندا كەمىندە ەكى ءموبيلدى توپتىڭ, قىزمەتتىك اتىس قارۋىنىڭ بولۋىن كوزدەيتىن وزگەرىستەر ەنگىزىلدى).
بۇدان باسقا ءبىلىم بەرۋ ۇيىمدارىنىڭ بارلىق وبەكتىلەرىندە (مەكتەپتەر, كوللەدجدەر, قوسىمشا ۇيىمدار) تۋرنيكەتتەرمەن قامتاماسىز ەتىلگەن.
ءورت قاۋىپسىزدىگى قاتاڭ باقىلاۋدا
ءورت قاۋىپسىزدىگى بويىنشا بولىنگەن بيۋدجەت قاراجاتى شەڭبەرىندە 2023-2024 جىلدارى بارلىق ءبىلىم بەرۋ ۇيىمدارى ءورت سوندىرگىشتەرمەن قامتاماسىز ەتىلدى.
2023-2024 وقۋ جىلىنا ارنالعان ءورت قاۋىپسىزدىگى جانە ازاماتتىق قورعاۋ سالاسىنداعى وقۋ-جاتتىعۋلار مەن جاتتىعۋلاردى وتكىزۋ جوسپارىنا سايكەس بارلىق ءبىلىم بەرۋ ۇيىمدارىندا قالالىق توتەنشە جاعدايلار جونىندەگى دەپارتامەنتى ماماندارىمەن بىرلەسىپ, تابيعي جانە تەحنوگەندىك سيپاتتاعى توتەنشە جاعدايلار تۋىنداعان كەزدە قىزمەتكەرلەر مەن وقۋشىلاردىڭ ءىس-ارەكەتى بويىنشا جاتتىعۋلار (وقىتۋ), سونداي-اق اۆاريالىق جاعدايلار بويىنشا جاتتىعۋلار ۋاقتىلى وتكىزىلەدى.
باستى نازاردا –بالا قاۋىپسىزدىگى
بيىل وسى ماقساتتا 2024 جىلعى 16 قاڭتاردا ءبىلىم باسقارماسى مەملەكەتتىك جانە جەكە مەنشىك جالپى ورتا ءبىلىم بەرۋ ۇيىمدارىنىڭ, كوللەدجدەردىڭ, بالاباقشالاردىڭ جانە عيماراتتارداعى قاۋىپسىزدىكتى قامتاماسىز ەتۋ بويىنشا قوسىمشا, ارنايى ءبىلىم بەرۋ ۇيىمدارىنىڭ باسشىلارىمەن ونلاين-كەڭەس وتكىزدى.
كەڭەسكە مەملەكەتتىك جانە جەكە ءبىلىم بەرۋ ۇيىمدارىنىڭ, كوللەدجدەر مەن بالاباقشالاردىڭ باسشىلارى, استانا قالاسى بويىنشا ۇلتتىق قاۋىپسىزدىك كوميتەتى دەپارتامەنتى, استانا قالاسى پد ەكسترەميزمگە قارسى ءىس-قيمىل باسقارماسى, استانا قالاسى مەملەكەتتىك ءورت باقىلاۋ باسقارماسى, سونداي-اق ءبىلىم باسقارماسىنىڭ وكىلدەرى قاتىستى.
كەڭەس بارىسىندا استانا قالاسى بويىنشا ۇلتتىق قاۋىپسىزدىك كوميتەتى دەپارتامەنتىنىڭ وكىلى ۆلاديمير ماكسيمەنكو ءبىلىم بەرۋ مەكەمەلەرىنىڭ تەرروريزمگە قارسى قورعالۋى جانە جەكە كۇزەت فيرماسى بويىنشا بايانداما جاسادى.
بۇدان باسقا, استانا قالاسى ءىىد ەكسترەميزمگە قارسى ءىس-قيمىل باسقارماسىنىڭ قىزمەتكەرى ءامىر ماراتوۆ ءبىلىم بەرۋ وبەكتىلەرىنىڭ قاۋىپسىزدىگى ماسەلەلەرى, اتاپ ايتقاندا, بەينەباقىلاۋ كامەرالارىنىڭ جۇمىس ىستەۋى جانە ولاردى ىشكى ىستەر دەپارتامەنتىنىڭ جەدەل باسقارۋ ورتالىعىنا قوسۋ تۋرالى جانە «قازاقستان رەسپۋبليكاسىنىڭ ءبىلىم بەرۋ سالاسىنداعى قىزمەتتى جۇزەگە اسىراتىن تەرروريستىك تۇرعىدان وسال وبەكتىلەردى تەرروريزمگە قارسى قورعاۋدى ۇيىمداستىرۋ جونىندەگى نۇسقاۋلىققا» سايكەس حابارلاپ, «قازاقستان رەسپۋبليكاسى ءبىلىم جانە عىلىم ءمينيسترىنىڭ 2022 جىلعى 30 ناۋرىزداعى № 117 بۇيرىعىمەن تانىستىردى.
مەكتەپ قاۋىپسىزدىگىن قامتاماسىز ەتۋ باعىتىندا جۇيەلى شارالار قابىلداۋ جالعاسادى جانە ەرەكشە باقىلاۋدا.
