مەرەكەدەگى مەرەيلى ساتتەر

نۇر-سۇلتان قالاسىندا ەلوردانىڭ كىشكەنتاي تۇرعىندارى مەن قوناقتارى ءۇشىن كوپتەگەن مادەني-تانىمدىق ءىس-شارا ءوتتى.

اتاپ ايتقاندا, ترياتلون ساياباعىندا 250-دەن استام بالا «بالالىق شاقتىڭ اسپانى» باتپىراۋىعىن ۇشىردى. №59 مەكتەپ-ليتسەي بازاسىندا قۋىرشاقتار كورمەسى (ۇلتتىق كيىمدەگى قۋىرشاقتار توپتاماسى) مەن №65 بالاباقشادا «بال-بالا» ويىنشىقتار مۇراجايى ۇيىمداستىرىلدى. ماحامبەت وتەمىسۇلى اتىنداعى وقۋشىلار سارايىندا دارىندى بالالارعا ارنالعان «لۋچشە ۆسەح» قۇرمەت تاقتاسى اشىلدى.

مەرەكەدە «كۇنشۋاق» اسفالتقا سۋرەت سالۋ بايقاۋى, «قۋىرشاقتار الەمى» قايىرىمدىلىق اكتسيا-كورمەسى, «بالالار الەمى» بالالار كىتاپتارىنىڭ ساتىلىم كورمەسى ءوتتى. سونداي-اق Demalys Promenadە, «جازۋشىلار» الاڭىندا, «جەرۇيىق», «ستوليچنىي» جانە «اربات» ساياباقتارىندا مەرەكەلىك كەيىپكەرلەر شەرۋى, ينتەراكتيۆتى شەبەرلىك ساباقتارى, ەرەكشە سپورتتىق جارىستار جانە كوڭىلدى انيماتورلار ونەر كورسەتەتىن مەرەكەلىك باعدارلامالار ۇيىمداستىرىلدى. «كوكتال» تۇرعىن الابى, «ءوندىرىس», «كۇيگەنجار», «جەلەزنودوروجنىي», «ميچۋرين» ەلدى مەكەندەرىندە ويىندار مەن كوڭىلدى, قىزىقتى كۆەستتەر مەن قىزىقتى سەمينارلار ءوتتى.

ەلورداعا كەلگەن قوناق-بالالار اقوردا رەزيدەنتسياسىن, «بايتەرەك» مونۋمەنتىن, ۇلتتىق مۋزەيدى, سونداي-اق باسقا دا مادەني-اعارتۋ نىساندارىنا ەكسكۋرسيا جاسادى.

 ايزادا جايىققىزى