قالالىق ءبىلىم باسقارماسىنىڭ ۇسىنىسى بويىنشا مەكتەپكە دەيىنگى ۇيىمداردا تاماق ساپاسىن باقىلاۋدى جۇزەگە اسىرۋ ماقساتىندا اتا-انالار مەن قالا جۇرتشىلىعىنىڭ وكىلدەرى قاتىسا الاتىن باقىلاۋ توبى قۇرىلدى.
ءبىلىم باسقارماسىنىڭ مەكتەپكە دەيىنگى جانە تاربيە ءبولىمىنىڭ باسشىسى ءلاززات رازبەكوۆا جانە مونيتورينگ توبىنىڭ اتا-انالارى تاماقتانۋ جاعدايلارىن بىرلەسىپ تەكسەردى. ەلوردادا 94 مەملەكەتتىك, 229 جەكەمەنشىك بالاباقشا, 43 شاعىن ورتالىق, 3 ۆەدومستۆولىق مەكەمە بولسا, وسى ۋاقىتقا دەيىن تاماق ساپاسىن باقىلاۋدا 50-دەن اسا بالاباقشا اتا-انالار تاراپىنان تەكسەرىلدى. ناتيجەلەرىنە بايلانىستى جاڭا ۇسىنىستاردى وسى توپپەن بىرلەسە قاراپ جاتىر.
«ءبىر اپتا كولەمىندە باقىلاۋ جۇرگىزەتىنىمىز جايلى بريفينگ ۇيىمداستىردىق. وعان قاتىسۋعا 78 ادام ءوز وتىنىشتەرىن بەرسە, ارنايى سانيتارلىق كىتاپشاسى بار 36 ادام باقىلاۋعا قاتىسىپ, ءۇش اتا-انادان بىرىگىپ, 12 توپ قۇردى. ءبىز وسى اپتادا مەملەكەتتىك, كەلەسى اپتادا جەكە مەنشىك بالاباقشالاردا تاماق ساپاسىن باقىلاۋ مونيتورينگىن اياقتاۋدى جوسپارلاپ وتىرمىز» دەيدى ل.رازبەكوۆا.
جادىرا مۇراتبەكوۆا
