ۇيىرمەلەر تەگىن ۇيرەتەدى
ەلوردادا «زامانداس» اتتى وتباسىلىق اۋلا كلۋبتارى اشىلدى. ولار «ءوندىرىس» تۇرعىن الابىنداعى كىتاپحانا مەن №49 ورتا مەكتەپ بازاسىندا ورنالاسقان.
ايتا كەتەيىك, بۇل اۋلا كلۋبتارى «Samruk-Kazyna Trust» الەۋمەتتىك جوبالاردى دامىتۋ قورىنىڭ قولداۋىمەن اشىلعان.
– بۇعان دەيىن 3 اۋلا كلۋبىن ىسكە قوسقان ەدىك. وندا شامامەن 2000-داي جەتكىنشەك بوس ۋاقىتتارىن وتكىزەتىن. سۇرانىس جوعارى بولعاندىقتان, شالعاي اۋدانداردىڭ دا قامىن ويلاپ, تاعى 2 كلۋبتىڭ تۇساۋىن كەستىك. مۇندا كەلۋشى جاستار ءۇشىن ارت-تەراپيا, حورەوگرافيا, شاحمات, ساندىك-قولدانبالى ونەر, اۆيامودەلدەۋ, تەاتر ءۇيىرمەسى, كاراتە, دومبىرا, ۋشۋ-كۋنگفۋ, برەيك, ۆوكال, مانەرلى سويلەۋدى دامىتۋ, توعىزقۇمالاق, روبوتوتەحنيكا, اعىلشىن جانە قازاق ءتىلى كۋرستارى سەكىلدى 20 ءتۇرلى ۇيىرمە بار, – دەيدى اتالعان قوردىڭ رەسمي وكىلى ميراس ىرگەباەۆ.
جوعارىدا ايتىلعانداردان بولەك, جاڭادان اشىلعان «زامانداس» اۋلا كلۋبتارىنىڭ بازاسىندا اتا-انالارعا ارنالعان «باقىتتى وتباسى» كلۋبى دا جۇمىس ىستەيدى. وندا وتباسىندا قولايلى جاعداي جاساۋعا, ەرەسەكتەر مەن بالالار اراسىنداعى ءوزارا تۇسىنىستىككە باعىتتالعان ترەنينگتەر مەن كونسۋلتاتسيالار ۇيىمداستىرىلادى.