جاستار قالاي ءۇي الادى؟

جاستاردىڭ باستى ماسەلەسى – باسپانا. جۋىردا «الماتى جاستارى» باعدارلاماسى سياقتى ەلوردادا جاڭا تۇرعىن ءۇي باعدارلاماسى ىسكە قوسىلاتىنىن بىلەمىز. ول «ەلوردا جاستارى» دەپ اتالادى. اتى ايتىپ تۇرعانداي, ەندى جەڭىلدەتىلگەن نەسيەگە شاھاردىڭ جاستارى ءۇي راسىمدەي الادى. بۇل باعدارلامادا قولدانىستاعى زاڭناما بويىنشا نۇر-سۇلتان قالاسىندا كەزەككە تۇرا الماي جۇرگەن جاستاردى قامتۋ كاراستىرىلعان. يپوتەكانىڭ باستاپقى جارناسى – 10%, جىلدىق ۇستەماقىسى 5% قۇرايدى. ال پاتەردىڭ قۇنى 13 ملن تەڭگەگە دەيىن بولۋى ءتيىس. تولىعىراق «وتباسى بانك» اق بيزنەستى باسقارۋ باسقارماسىنىڭ باسشىسى مارينا ورىنباەۆادان سۇراپ بىلدىك.

– «ەلوردا جاستارى» باعدارلاماسى وسى ايدىڭ سوڭىندا ىسكە قوسىلادى. قالالىق اكىمدىك وكىلدەرى وسىلاي سەندىرىپ وتىر. جاڭادان قولعا الىنىپ جاتقان جوبانىڭ نەگىزگى شارتتارى قانداي ەدى؟ وعان كىمدەر قاتىسىپ, باسپانالى بولا الادى؟
– «ەلوردا جاستارىمەن» 100دەن اسا وتباسى عانا باسپانالى بولا الادى. ەلوردادا جاقىن ارادا كوپتەن كۇتكەن «ەلوردا جاستارى» باعدارلاماسى ىسكە قوسىلادى. اتالعان باعدارلاما «وتباسى بانك» اق-پەن بىرلەسىپ ازىرلەندى, 35 جاسقا دەيىنگى جاستاردى قامتيدى. باعدارلامادا دەنساۋلىق ساقتاۋ, ءبىلىم بەرۋ, مادەنيەت, سپورت سالالارىندا جۇمىس ىستەيتىن, جوو مەن عزي وقىتۋشىلارى مەن عىلىمي قىزمەتكەرلەرى, جۋرناليستەر, سونداي-اق نۇر-سۇلتان قالاسىنىڭ كوممۋنالدىق كاسىپورىندارىنىڭ (كمم, مكقك, شجق مكك, اق جانە جشس) قىزمەتكەرلەرى قاتىسا الادى. سونىمەن قاتار, جەتىم جانە اتا-اناسىنىڭ قامقورلىعىنسىز قالعان جاستار ساناتى قانا قوسىلعان. قازىرگى تاڭدا باعدارلاما قول قويۋ ساتىسىندا. تۇراقتى تىركەۋى كەمى ءبىر جىل بولۋعا ءتيىس. سوسىن ۇمىتكەرلەردە تۇراقتى جۇمىس بولعانى ءجون. جان باسىنا شاققانداعى تابىسى 133 مىڭ 778 تەڭگەدەن اسپاۋى ءتيىس. وتباسىندا ەرلى-زايىپتىنىڭ ەكەۋى دە جۇمىس ىستەيتىن بولسا, وسى 133 مىڭ 778 تەڭگەنى ەكىگە كوبەيتەمىز, سودان شىققان تازا تابىستى جان باسىنا شاققاندا 133 مىڭ 778 تەڭگەدەن اسپاۋى شارت.
ماسەلەن, ەرلى-زايىپتىلاردا ەكەۋىنىڭ دە اي سايىنعى جالاقىسى 150 مىڭ تەڭگەدەن بولسا, ونى ەكىگە كوبەيتىپ تابىستى ەسەپتەيمىز. سوندا 300 مىڭ تەڭگە شىعادى. بۇل وتباسىنىڭ 4 بالاسى بولسا, سول 300 مىڭ تەڭگەنى 6-عا بولەمىز. ودان شىققان 60 مىڭ تەڭگە 133 مىڭ 778 تەڭگەدەن اسىپ تۇرعان جوق, دەمەك, مۇنداي وتباسى ەگەر باعدارلامانىڭ باسقا تالاپتارىنا دا ساي كەلىپ تۇرسا, ءۇيلى بولۋ مۇمكىندىگى جوعارى.
قاتىسۋشىلاردى ىرىكتەۋ جوعارىدان تومەنگە قاراي ۇپايلاردى ەسەپتەۋ ارقىلى جۇزەگە اسادى:
– تولىق 1 جىلدىق جۇمىس وتىلىنە – 5 بالل,
تولىق ەمەسكە – 3 بالل;
– وتباسىندا بالا تۋعانى ءۇشىن – ءار بالاعا 20 بالل;
– وتباسىندا 1, 2, 3-توپتاعى مۇگەدەكتەر مەن مۇگەدەك بالالاردىڭ بولۋى ءۇشىن – 10 بالل. سونىمەن قاتار اتىندا سوڭعى 5 جىلدا ءۇيى بولماۋى كەرەك جانە مەملەكەت تاراپىنان جالدامالى پاتەر العان ازاماتتار قاتىسا المايدى.
 – ەلىمىزدە ستاتيستيكاعا سۇيەنسەك, 18 بەن 29 جاس ارالىعىندا جاستاردىڭ سانى 4,5 ميلليونعا جۋىق. ال ەندى اتالمىش ساناتقا جاتپايتىندارعا قايتپەك كەرەك؟
– «وتباسى بانكىندە» 2003 جىلى بانك اشىلعالى جيناق جۇيەسى جۇرگىزىلەدى. ازاماتتار ءوز اتىنان ەسەپشوت اشىپ, كەمى ءۇش جىل ىشىندە العىسى كەلەتىن ءۇيى ءنىڭ 50 پايىزىن جيناپ بىتىرسە, باعالاۋ كورسەتكىشىن بەلگىلى ءبىر مولشەرگە جەتكىزسە (ەڭ تومەنگىسى 16), وندا 5 پايىزدان 3,5 پايىز ارالىعىندا ءۇيدى نەسيەگە راسىمدەي الادى. بۇل – جالپىعا قولجەتىمدى باعدارلاما. جيناق جاساۋ ۋاقىتى مولشەرىنە كەلسەك, اركىم قالتاسىنا قاراي كوسىلەدى. ەڭ تومەنگى مەرزىم ءۇش جىل بولىپ سانالادى. ءۇيدى نەسيەگە راسىمدەۋگە 18 جاستان اسقان ازاماتتىڭ كەمىندە 6 ايلىق تابىسى بولۋى تالاپ ەتىلەدى. تابىس كوزىن راستاعان 18 جاستان اسقان ازامات ءۇي الۋى ءۇشىن اتا-اناسى جاستايىنان اتىنا ەسەپشوت اشىپ, اقشا سالىپ وتىرسا, ۋاقىتتى ازايتا الادى.
– «جاس وتباسى» باعدارلاماسىندا جۇبايلاردىڭ جاس ەرەكشەلىگى ەسكەرىلمەيدى, وتاۋلاسقاندارىنا 5 جىلدان اسپاسا, باعدارلاما ارقىلى ءۇي الۋىنا مۇمكىندىك بار دەپ جاتادى. نەسيەلەۋ مەرزىمى قانداي؟
– 2020 جىلدىڭ شىلدەسىندە بانك جاس وتباسىلارعا ارنالعان «جاس وتباسى» اتتى ءوزىنىڭ تۇراقتى باعدارلاماسىن ىسكە قوستى. باستاپ قى جانە قايتالاما نارىقتاردا تۇرعىن ءۇي, سونداي-اق ءوز ءۇيىن سالۋ ءۇشىن جەر ۋچاسكەسىن ساتىپ الۋ ءۇشىن قارىزدار جىلدىق 6 پايىزبەن بەرىلەدى. ال 2 جىل وتىسىمەن مولشەرلەمە 5 پايىزعا دەيىن تومەندەيدى. نەسيەلەۋ مەرزىمى 6 جىلدان 9 جىلعا دەيىن.
بۇل باعدارلامادا ەرلى-زايىپتىلاردىڭ جاسىنا جانە وتباسىنداعى بالالاردىڭ سانىنا ەشقانداي شەكتەۋلەر جوق. «جاس وتباسى» بويىنشا قارىز الۋدىڭ نەگىزگى كريتەريلەرى: نەكەدە 3 جىلدان 5 جىلعا دەيىن تىركەلۋ, «وتباسى بانكتە» دەپوزيتتىڭ بولۋى (اشىلۋى), تۇرعىن ءۇي قۇنىنىڭ 50 پايىزىن جيناقتاۋ. سونداي-اق ساتىپ الىناتىن تۇرعىن ءۇي سوماسىنىڭ 50 پايىزىن ءبىر مەزگىلدە سالعان كەزدە جەڭىلدىكتى قارىز الۋ مۇمكىندىگى بار…
– جاڭا سۇحبات بارىسىندا باسپاناعا قارجى جيناۋ مادەنيەتى دەپ قالدىڭىز, «وتباسى بانكىندە» ەسەپشوت اشىپ, وعان جىلداپ قارجى سالۋ ارقىلى ءۇيلى بولۋ تۇسىنىگى حالىق اراسىندا قالىپتاسقان با؟
– حالىق اراسىندا اي سايىنعى تابىسىنىڭ ءبىر بولىگىن جيناققا اۋدارىپ وتىرۋ مادەنيەتى قالىپتاسپاعان. كوبىسىندە 50-100 مىڭنان قاشانعى جيناي بەرەمىن, قاشان جيناپ بىتەمىن دەپ جيناق جاساعىسى كەلمەيدى. بىراق نەسيەنى كەشىكتىرمەي تولەگەندەي اي سايىن تۇراقتى تۇردە قارجى سالىپ وتىرسا, مەملەكەتتىڭ بەرەتىن سىياقىسىن جانە بانكتەن قوسىلاتىن سىياقىنى الا الادى. ءتىپتى اي سايىن «وتباسى بانكىندەگى» جيناعىنا ۇزبەي اقشا سالىپ وتىرسا, ەشقانداي باعدارلاماعا قاتىسپاي-اق, مەملەكەتتىڭ كومەگىن كۇتپەستەن ءوز كۇشىمەن باسپانالى بولا الادى.
– اسكەري قىزمەتتەگىلەر ءۇشىن باسپانالى بولۋدىڭ قانداي جولدارى بار؟ «اسكەري باسپانا» باعدارلاماسىنا كەلەسى جىلى قاتىسۋعا مۇمكىندىگىم بار ما؟
– «اسكەري باسپانا» باعدارلاماسىنا ءوتىنىم قابىلداۋ 4 قىركۇيەكتە اياقتالدى. باستاپقى جارناسى – 15 پايىز, 8 پايىزبەن نەسيەگە راسىمدەيدى. ەكىنشى ءتۇرى, باسپانا قۇنىنىڭ 50 پايىزىن جيناسا (بۇل باستاپقى جارنا رەتىندە ەسەپتەلەدى), قالعان 50 پايىزىن 6 پايىزبەن جىلدىق نەسيەگە راسىمدەۋىنە بولادى. بۇل باعدارلاماعا قاتىسۋ ءۇشىن مىندەتتى تۇردە اسكەري قىزمەتكەر بولۋى كەرەك. جانە «وتباسى بانكىندە» اشىلعان ەسەپشوتىنا ارنايى تۇرعىن ءۇي تولەمدەرىن الۋى قاجەت. سول تۇرعىن ءۇي تولەمدەرىن پايدالانىپ, تابىس كوزىن راستاماي-اق راسىمدەي الادى. نەمەسە كوزدەگەن ءۇيىنىڭ باعاسى وتباسىلىق كىرىس ادام باسىنا شاققاندا كوپتەۋ بولسا, وندا ءوزىنىڭ تابىسىن بىرگە ەسەپتەپ, قالاعان ءۇيىن الا الادى. كەلەر جىلى قانشا اسكەري قىزمەتشىنى نەسيەلەندىرە الاتىنىمىز – الداعى ۋاقىتتىڭ ەنشىسىندە.
ال ەندى 50/50 باعدارلاماسىمەن 6 پايىزبەن نەسيەگە راسىمدەيمىن دەسە, شەكتەۋ جوق. قازىر بانك بولىمشەسىنە كەلىپ, ءوتىنىم بەرە الادى.
– زەينەتاقىدان ارتىلعان سومانى باسپانا الۋ ءۇشىن دەپوزيتكە اۋدارۋعا بولادى دەپ ەستىدىم. ول ءۇشىن نە ىستەۋ كەرەك؟
– جىل باسىندا زەينەتاقى جيناعىنداعى قاراجاتتىڭ ءبىر بولىگىن ءۇي الۋعا جۇمساۋعا رۇقسات بەرىلگەن ەدى. قارجىسى شەكتى مولشەردەن اسىپ تۇرعاندار يپوتەكا راسىمدەپ, بايىرعى باسپانا قارىزىن جابۋعا كىرىسكەن. الىمى تومەن سالىمشىلاردا ءۇيدى تولىقتاي ساتىپ الۋ نەمەسە العاشقى تولەم جاساۋ مۇمكىندىگى بولماسا, بىرجولعى زەينەتاقى تولەمى جارتى ملن تەڭگە عانا بولاتىن ازاماتتار تۇرعىن ءۇي ماسەلەسىن شەشۋدە شاراسىز كۇيدە قالىپ وتىر. ەندى ءدال وسى توپ ءوز اقشالارىن «وتباسى بانك» دەپوزيتىنە اۋدارا الادى.
جاستارىمىز جاس مولشەرىنە سايكەس زەينەتاقى قورىنداعى شەكتەۋ نورماسىنان اسقان قاراجاتىن «وتباسى بانكىندە» اشقان جيناق شوتىنا اي سايىن اۋدارا وتىرىپ, ءۇيدىڭ باستاپقى جارناسىن تەزىرەك جيناي الادى. 18 بەن 29 جاس ارالىعىنداعى جاستارىمىز مۇمكىندىكتى ۇتىمدى پايدالانسا, از ۋاقىتتا باسپانالى بولا الادى.
– پايىز, مەملەكەتتىك سىياقى, باعالاۋ كورسەتكىشى دەگەندى تۇسىنە الماي-اق قويدىم. جالپاق تىلمەن مىسال كەلتىرە وتىرىپ, ءتۇسىندىرىپ ءوتىڭىزشى.
– باعالاۋ كورسەتكىشى دەگەنىمىز – جيناق شوتىن اشقاننان كەيىن كەمىندە ءۇش جىلدىڭ ىشىندە بولاشاق باسپاناسىنا دەگەن قاراجاتتى اي سايىن, تۇراقتى تۇردە سالىپ, كوزدەگەن ۇيىنە قاجەتتى قارجىنىڭ 50 پايىزىن جيناسا, وندا بانك تاراپىنان جىلدىق 2 پايىز سىياقى بەرىلىپ وتىرادى. سول جىلدىق سىياقى كوبەيگەن سايىن باعالاۋ كورسەتكىشى «پىسەدى». باعالاۋ كورسەتكىشى جوعارى بولسا, تابىس كوزىن راستاماي-اق باسپانانى 5 پايىزبەن نەسيەگە راسىمدەي الادى. «وتباسى بانكىندە» باسپانانى الۋ عانا ەمەس, بۇرىننان بار ءۇيىڭىزدى جوندەۋ, جەر تەلىمىن ساتىپ الىپ, سوندا ءۇي سالۋ ماقساتىندا دا جيناق جاساپ, نەسيە راسىمدەي الاسىز.
سالىمشىلار جيناق جاساعانى ءۇشىن مەملەكەتتەن بىرەگەي سىياقى الادى. ول جىلىنا ءبىر ادامعا ءبىر رەت بەرىلەدى, ونى الۋ ءۇشىن ءبىر جىلدىڭ ىشىندە كەمىندە 200 ايلىق ەسەپتىك كورسەتكىش, ياعني 583 مىڭ تەڭگە جيناۋى كەرەك. سوندا عانا مەملەكەت تاراپىنان 20 پايىز سىياقى بەرىلەدى, ياعني 116 مىڭ تەڭگە. بيىل جىل سوڭىنا دەيىن مەملەكەتتەن وسى سىياقىنى الۋ ءۇشىن جيناق شوتىنا 583 مىڭ تەڭگەنى سالىپ ۇلگەرۋى كەرەك.
مىسالى, جيناق شوتىنا اي سايىن 20 مىڭ تەڭگەدەن سالىپ وتىرسا, باعالاۋ كورسەتكىشى دە جاقسى بولادى. سەبەبى اۋەلى, اقشا سالىمى ۇزىلمەيدى. ەگەر اي سايىن 50 مىڭ تەڭگەدەن سالىپ وتىرسا, شامامەن 10 ايدا 500 مىڭ بولادى. ونىڭ 2 پايىزى – 10 مىڭ تەڭگە. تاعى ۇكىمەت تاراپىنان 100 مىڭ تەڭگە مەملەكەتتىك سىياقى بەرىلەدى. سوندا ءبىر جىلدا 110 مىڭ تەڭگە كولەمىندە پايدا كورەدى.
 
وقىرمان ساۋالدارى
–تابىس كوزىن تەكسەرە مە؟
– قازىرگى تاڭدا 7 ميلليون تەڭگەم بار. باسىمدا ءبىر ەمەس, بىرنەشە نەسيەم دە بار. قۇرىلىسشى بولىپ جۇمىس ىستەيمىن. قانداي جولمەن ءۇي السام بولادى؟ ماعان ارنالعان مەملەكەتتىك باعدارلاما بار ما؟
– قازىرگى كەزدە بارلىق بانكتە يپوتەكانى راسىمدەۋ ءۇشىن تابىس كوزىن راستاۋ قاجەت. سوڭعى 6 اي كولەمىندەگى تابىس مولشەرىن قارايمىز. وتباسىنىڭ ءاربىر مۇشەسىنە شاققانداعى تابىس مولشەرى نەسيەلەرىن وتەۋگە جەتكىلىكسىز بولسا جانە الداعى ۋاقىتتا ءۇيدىڭ نەسيەسىن وتەۋگە جەتپەسە, 2 ادامعا دەيىن قوسىمشا قارىز الۋشى قاجەت بولادى. ول قوسىمشا قارىز الۋشىلار نەسيە العان كىسىنىڭ قارىزىن اي سايىن ۇزدىكسىز تولەپ تۇرۋىنا كەپىل بولادى.
«7-20-25» باعدارلاماسى قاشان اياقتالادى؟
– «7-20-25» باعدارلاماسىنا بيۋدجەتتەن بولىنگەن 1 ترلن تەڭگەنىڭ 36,2%-ى يگەرىلگەن. باعدارلاما نەسيەگە بولىنگەن قارجى تولىق يگەرىلگەنشە جالعاسا ما؟
– باعدارلاما ىسكە قوسىلعاننان بەرى 367 ملرد تەڭگەنىڭ نەسيەسى بەرىلدى. سونىڭ ارقاسىندا 30 مىڭنان استام وتباسى جەكە باسپاناعا يە بولدى. وسىلايشا, بۇگىنگى تاڭدا باعدارلامانىڭ نىسانالى كورسەتكىشىنىڭ 36,2%-ى يگەرىلدى. بانكتىڭ ءباپاسوز قىزمەتىنىڭ مالىمەتى بويىنشا, 2018 جىلدان باستاپ 2021 جىلدىڭ شىلدەسىنە دەيىن جەكە قۇرىلىس سالۋشىلار 290 873 تۇرعىن ءۇي سالعان. سونىڭ تەك 10,3%-ى «7-20-25» باعدارلاماسى بويىنشا ساتىپ الىنعان.

وقىرمان ساۋالى

• زەينەتاقى جيناعىنا الىنعان ءۇيدى ساتۋعا بولا ما؟

• زەينەتاقى جيناعىنا تۇرعىن ءۇي ساتىپ العان ازاماتتار اتالعان مۇلىكتى 5 جىلعا دەيىن ساتا المايدى دەگەن تالاپ بار.بۇل تالاپ زەينەتاقى جيناعىنداعى سومانى قولما-قول اقشاعا اينالدىرۋ, الىپ-ساتۋمەن اينالىسۋدىڭ جانە باسپانا باعاسىنىڭ نەگىزسىز ءوسۋىنىڭ الدىن الۋ ءۇشىن ەنگىزىلدى. ياعني, بيىل 23 قاڭتاردان كەيىن وتەۋ مەرزىمى 5 جىلدان اساتىن يپوتەكالىق زايم راسىمدەلىپ, العاشقى جارنا رەتىندە بىرجولعى زەينەتاقى تولەمى پايدالانىلسا, وندا ول تۇرعىن ءۇيدى ساتۋعا رۇقسات جوق. الايدا يپوتەكالىق زايمدى وتەۋ مەرزىمى تۋرا 5 جىل نەمەسە ودان از بولسا, وندا يەسى ءۇيدى ساتا الادى. سونداي-اق تۇرعىن ءۇيدىڭ العاشقى جارناسى ءوتىنىش بەرۋشىنىڭ جەكە قاراجاتىمەن وتەلىپ, قالعانى يپوتەكا ارقىلى ءىشىنارا زەينەتاقى جيناعى قولدانىلسا, ول جاعدايدا باسپانا يەسىنىڭ ساتۋ قۇقىعى بار. ساتۋدان بولەك, ءۇيدى ءوز جاقىندارىنا سىيعا دا بەرە الادى.

• «باسپانا حيت» نەگە جالعاسپايدى؟

• باسپانا حيت» باعدارلاماسى تۇرعىن ءۇي نارىعىندا ۇزاق مەرزىمدى كرەديتتەۋدى جانداندىرۋ جانە تۇرعىن ءۇي يپوتەكاسىنىڭ حالىققا قولجەتىمدىلىگىن ارتتىرۋ ءۇشىن ىسكە قوسىلعان بولاتىن. اۋەلدە قارجىلاندىرۋ كولەمى 300 ملرد تەڭگە بولادى دەپ كوزدەلگەن. كەيىن كرەديتتىك ونىمگە دەگەن سۇرانىسى جوعارى ەكەنىن ەسكەرە وتىرىپ, 600 ملرد تەڭگەگە دەيىن ۇلعايتىلدى. وسى اقشا تولىق يگەرىلگەن سوڭ باعدارلاما ءوز قولدانىسىن اياقتايدى. بۇگىنگى تاڭدا باعدارلاما شەڭبەرىندە بانكتەر 590 ملرد تەڭگە سوماعا قارىز بەردى, ولاردىڭ كومەگىمەن ەلدىڭ 63 مىڭنان استام ازاماتىنىڭ تۇرعىن ءۇي جاعدايىن جاقسارتتى. ۇلتتىق بانكتىڭ ۇستانىمى بويىنشا, «باسپانا حيت» باعدارلاماسى جۇمىس ىستەگەن 2,5 جىل ىشىندە كوممەرتسيالىق بانكتەر سوعان ۇقساس ونىمدەر شىعارعان. ياعني, ۇلتتىق بانك بۇل سيپاتتاعى يپوتەكانى ەندى ەكىنشى دەڭگەيلى بانكتەر بەرە الادى دەپ توپشىلاپ وتىر.

• جالعا پاتەر بەرىلە مە؟

• ەلوردادا جاستارعا ساتىپ الۋ قۇقىعىنسىز جالعا پاتەرلەر بەرۋ جوباسى بيىل دا جالعاسادى. جۇمىسشى جاستارعا پاتەرلەر نۇر-سۇلتان قالاسىنداعى ر.قوشقارباەۆ داڭعىلى, قورداي جانە № 23-31 كوشەلەرى قيىلىسىنداعى, سول سياقتى ابىلاي حان داڭعىلى مەن ب.مومىشۇلى جانە ر.قوشقارباەۆ داڭعىلدارىنىڭ قيىلىسىنداعى تۇرعىن ۇيلەردەن بەرىلدى. بۇل جىلعى جاستارعا بەرىلگەن باسپانا كولەمى – 32-48 شارشى مەتر ارالىعىندا. ەلباسىنىڭ باستاماسىمەن جۇزەگە اسقان جوبانىڭ ماقساتى – الداعى 5 جىل ىشىندە جاستاردىڭ قاراجات جيناپ, جەكە پاتەر ساتىپ الۋىنا جاعداي جاساۋ. جوباعا قاتىسۋشىلارعا قويىلار نەگىزگى بەس قاعيدات بار: 29 جاستان اسپاعان, جۇمىس ىستەيتىن, مەنشىگىندە تۇرعىن ءۇيى جوق, جيناق جاساۋ ءۇشىن دەپوزيتتىك شوتىنىڭ بولۋى, سونداي-اق سوڭعى 6 ايدا كەمىندە 40 اەك تابىسىنىڭ بولۋى.

• نايما نۇرالىقىزى