Astana qalasyndaǧy «Alau» mūz saraiynda Respublika künıne arnalǧan ūldar men qyzdar arasynda semserlesuden «Astana qylyşy» respublikalyq turnirı öttı.
Respublikalyq jarystyŋ jüldelerın elımızdegı 100-ge juyq üzdık semserlesuşı sarapqa saldy.
Jarystyŋ aşylu saltanatynda Astana qalasy Dene şynyqtyru jäne sport basqarmasynyŋ basşysy Samat Jylqybaev pen Astana qalasy semserlesu federasiiasynyŋ prezidentı Erjan Nüsıpbekov qatysyp, jarysqa qatysuşylardy Respublika künımen qūttyqtap, saiysta sättılık tıledı.
«Astana qalasynda dästürge ainalǧan semserlesuden respublikalyq turnirdıŋ auqymy keŋeiıp, «Astana qylyşy» turnirı atalyp, biyl on bırınşı ret ötkızılıp otyr. Būl jarysqa jyldan-jylǧa jastardyŋ köptep qatysuy quantady. Memleket basşysynyŋ tapsyrmasy boiynşa būqaralyq sportqa erekşe köŋıl böludemız. Bügıngı jarys aldymyzdaǧy ūlttyq merekemız – Respublika künıne orailastyryp ūiymdastyryldy. Būl degenımız – qalamyzdaǧy ötıp jatqan auqymdy şaralar – būqaralyq sportty damytudaǧy ülken qadam. Osy oraida, bügıngı jarysty ūiymdastyruşylarǧa elımızdıŋ sport salasyn damytuǧa qosqan ülesı üşın zor alǧysymdy bıldıremın. Sportşylarǧa jeŋıs tıleimın. Şyn myqtylar top jarsyn. «Astana qylyşy» respublikalyq turnirıne qoş keldıŋızder!» dedı Astana qalasy Dene şynyqtyru jäne sport basqarmasynyŋ basşysy Samat Jylqybaev dästürlı turnirdıŋ aşylu saltanatynda.
Semserlesuşıler jeke jäne komandalyq esepte küş synasty. Jarys qarudyŋ qylyş, qanjar jäne naiza sekıldı üş türı boiynşa öttı.
«Astana qylyşy» turnirı elımızde semserlesudı keŋınen nasihattau jäne qazaqstandyqtardyŋ öskeleŋ ūrpaǧyn ziiatkerlık kürestıŋ osy türıne tartu, sondai-aq turnirge qatysatyn elımızdıŋ jas sportşylarynyŋ sporttyq şeberlık deŋgeiın arttyru jäne de Qazaqstan Respublikasynyŋ sporttyq qatynastaryn nyǧaitu jäne jastar arasynda salauatty ömır saltyn nasihattau maqsatynda ötkızıldı. Sondai-aq būl jarys qaraşa aiynyŋ basynda Şymkentte ötetın kadetter men jasöspırımder arasyndaǧy Qazaqstan chempionaty aldyndaǧy daiyndyq jarysy bolyp otyr.
«Astana qylyşy» turnirınıŋ jeŋımpazdary men jüldegerlerı 16 qazanda belgılı bolady. Üzdık semserlesuşıler Astana qalasy Dene şynyqtyru jäne sport basqarmasy taǧaiyndaǧan medaldarmen, tiıstı därejedegı diplomdarmen, kuboktarmen jäne baǧaly syilyqtarmen marapattalady.
