Astanada abattandyru, kögaldandyru jäne sanitarlyq tazartu jūmystaryna asa nazar audarylady. 18 säuır men 18 mamyr aralyǧynda Astana qalasynyŋ qalalyq jäne audandyq äkımdıkterınıŋ ūiymdastyruymen ekologiialyq ailyq öttı.
Ekologiialyq ailyqtyŋ aiasynda 23 säuırde jalpyqalalyq senbılık jūmystary ötkızıldı. Tazartu jūmystaryna barlyq vedomstvo, biznes ökılderı, sondai-aq qala tūrǧyndary qatysyp, özderınıŋ aumaqtaryn, ǧimarattyŋ töŋıregın tazartyp, retke keltırdı. Jūmystyŋ köp bölıgın qaladaǧy kommunaldy qyzmet atqardy.
Senbılık – jūrtşylyqtyŋ öz erıkterımen eŋbek etu künı. Būl künı barşa astanalyqtar qalanyŋ tazalyǧy üşın qolyna kürek, ketpen ūstap, jūmys ısteidı. Senbılık tek qana bızdıŋ memlekette ǧana emes, özge elderde de dästürge ainalǧan. Mysaly, būrynǧy keŋes elderınen basqa, AQŞ, Germaniia, Polşada aiyna bır ret senbılık ötkızıledı.
Senbılık – tazalyq ailyǧy ǧana emes, bır-bırımen emın-erkın tıldesu, oi-pıkır bölısu alaŋy.
Astana qalasy tūtynuşylardyŋ qūqyqtaryn qorǧau departamentınıŋ mamandary ekologiialyq ailyq kezınde lastanǧan oryndardy, zaŋsyz üiındılerdı anyqtaumen bırge, konteiner aumaǧynyŋ tazalyǧyna monitoring jürgızedı.
Bügıngı künı özektı mäsele Promyşlennyi, Prigorodnyi tūrǧyn alaptary men «Gazmaşapparatura», Qorǧaljyn tas joly aumaǧynyŋ tazalyǧy bolyp tūr. Būl jerler qanşa tazalansa da belgılı bır uaqyttan keiın qaitadan qoqystar üiılıp qalady. Onyŋ basty sebebı – saiajai ielerı ainalanyŋ tazalyǧyna nemqūraily qarap, qoqystaryn syrtqa şyǧaryp tastauynan. Köbınese qala maŋynda, jol boiynda, su toǧandary jaǧasynda, saiajai aumaqtarynda qoqystar tastalady.
Qalamyzdyŋ maqtanyşy Esıl özenı ekenı belgılı. Ökınışke qarai, onyŋ jaǧasynda da lastanǧan oryndar, zaŋsyz tūrmystyq jäne qūrylys qoqystar üiındılerı anyqtaldy.
Tiıstı ūiymdar qalany qoqystan tūraqty türde tazalaidy.Alaida qala tūrǧyndary men qonaqtaryna, qūrylys obektılerınıŋ basşylaryna belgılenbegen jerlerge qoqys tastap, aumaqty lastamaudy eskertemız.
Ata-analar balalaryn kışkentaiynan bastap mädenietke, tärtıp pen jaqsy ädetterge baulyǧany jön.
Ärbır tūrǧyn Astananyŋ taza jäne ädemı boluyna atsalysuy kerek.
T.STOLPNİK,
Astana qalasy tūtynuşylardyŋ
qūqyqtaryn qorǧau departamentınıŋ
bas mamany
