Akselerator alaŋynda tūrǧyndardyŋ rölı zor

«Akselerator bastamasyna qatysqan tūrǧyndardyŋ ideialary qoǧamdyq kölıktıŋ jüru uaqyty men intervalyn qysqartuǧa, sondai-aq keibır baǧyttaǧy şamadan tys jüktemenı joiuǧa mümkındık berdı» dep mälımdedı «Astana LRT» JŞS basqarma töraǧasy Bekmyrza İgenberdinov akselerator alaŋynyŋ jūmysyn talqylau kezınde. Onyŋ aituynşa, tūrǧyndardyŋ ötınışı boiynşa qaladaǧy 3 avtobustyŋ qozǧalys syzbasy tüzetılgen.«Būl qoǧamdyq kölıktı kütu uaqytyn ortaşa eseppen 5-12 minutqa qysqartuǧa mümkındık berdı. Sondai-aq 5 jaŋa baǧyt ıske qosylyp, 9 baǧyttyŋ qozǧalys syzbasy oŋtailandyryldy, avtobustar sany artty» dedı ol. Halyqtyŋ ötınışıne säikes, S.Seifullin jäne Ş.Uälihanov köşelerı qiylysynda avtokölık jürgızuşılerıne solǧa jüruge tyiym salyndy. Būl avtobustarǧa qatysty emes, iaǧni olardyŋ jūmysyna kedergı joq. Qoldanylǧan şara keptelıstı boldyrmauǧa jäne qoǧamdyq kölıktı kütu uaqytyn azaituǧa mümkındık beredı.
Būǧan qosa, qanatqaqty joba aiasynda qalanyŋ 3 mektebınde (№75, 76, 77) sabaqtyŋ bastalu uaqytyn özgertu ūsynyldy. Būl özgerıs Mäŋgılık el, Kerei men Jänıbek handar köşelerındegı kölık ötkızu qabıletın 27 paiyzǧa arttyruǧa mümkındık beredı. Būdan basqa, baǧdarşamnyŋ qyzyl jaryǧyna oŋǧa būryluǧa rūqsat beru mäselesı qaras­tyrylady.
Qalalyq akseleratordyŋ 3 aidan berı jūmys ıstep kele jatqanyn aitqan elorda äkımı Altai Kölgınov 15-ten asa baǧyttyŋ üşeuı, iaǧni päter ielerı kooperativterı, qoǧamdyq kölık jäne sanitarlyq tazalau jūmystary ırıktelgenın atap öttı. «Akselerator alaŋy bızge tūrǧyndarmen kerı bailanysty nyǧaituǧa mümkındık beredı. Qala tūrǧyndarymen bırlese otyryp, elordada ömır süru sapasyn jaqsartu boiynşa ortaq şeşımderge kelıp, aitylǧan ideialar men ūsynystardy jüzege asyruǧa bolady» dedı qala basşysy.