Astanada bır köşege armian älıpbiı negızın qalauşynyŋ esımı berıledı, dep habarlaidy astana-akshamy.kz
Būl turaly Armeniiaǧa sapary barysynda Memleket basşysy habarlady.
Prezident özara tiımdı yntymaqtastyqty nyǧaitu üşın kölık jäne logistika salasynyŋ maŋyzdylyǧyna toqtalyp, Qazaqstan Armeniianyŋ Oŋtüstık Kavkazdaǧy kölık bailanysyn qaita jandandyruǧa ūmtylysyn joǧary baǧalaitynyn jetkızdı.
«Būl rette qūrmettı Premer-ministr Nikol Paşiniannyŋ «Beibıtşılık toraby» bastamasyna oŋ közqaraspen qaraimyz. Sonymen qatar bız ekı eldıŋ astanasy men basqa da qalalary arasynda tıkelei äue reisterın aşu turaly bastamany qoldadyq. Agroönerkäsıp salasyndaǧy tauar türın köbeitu jäne olardy jetkızu mäselelerın talqyladyq. Sondai-aq Sifrlyq tehnologiia boiynşa yntymaqtastyqty damytu qajet. Qazaqstan armeniialyq serıktesterımen osy maŋyzdy salada bırlesken jobalardy jüzege asyrudy közdep otyr», – dedı Memleket basşysy.
Qasym-Jomart Toqaev elımızdıŋ Armeniiamen mädeni-gumanitarlyq bailanysty nyǧaituǧa basa män beretının aitty.
«Biyl Qazaqstanda Armeniianyŋ mädeniet künderı ötedı. Būl maŋyzdy ıs-şara halyqtarymyzdy jaqyndata tüsetını sözsız. Äsırese, ruhani bailanystarymyzdy jandandyrmaq. Sondai-aq qūrmettı Armeniia Premer-ministrımen Erevan köşelerınıŋ bırıne ūly Abaidyŋ esımın beru turaly kelısımge keldık. Al Astananyŋ bır köşesıne armian älıpbiınıŋ negızın qalauşy, äulie Mesrop Maştostyŋ aty berıletın boldy. Oǧan qosa armian qarpımen jazylǧan qypşaq tılındegı qoljazbalardy zertteitın ǧylymi top qūru turaly bastamany qūptadyq. Ony Euraziia ūlttyq universitetı jäne Erevan memlekettık universitetı bırlesıp jüzege asyrady», – dedı Prezident.
