Jyldaǧy dästür boiynşa Astana künı qalalyq Densaulyq saqtau basqarmasynyŋ ökılderı elorda perzenthanalarynda bolyp, jas analardy quanyştarymen qūttyqtady. Būl künı bas qalada 61 säbi düniege kelse, olardyŋ 28-ı qyz jäne 33-ı er bala eken.
Qala merekesın astanalyq Jaǧyparovtar otbasy da asyǧa kütıptı. Jiyrma alty jastaǧy Ǧaliia ekınşı perzentınıŋ däl osy künı düniege keluın jaqsylyqqa joryp, balapanynyŋ bolaşaǧynan zor ümıt kütetının jasyrmady. «Osyndai qos quanyş qūşaǧynda özımdı sondai baqytty sezınıp tūrmyn. Ekı adamnyŋ bırınıŋ maŋdaiyna būiyra bermeitın erekşe künı – Astananyŋ tuǧan künınde düniege kelgen säbiıme Elbasymyz Nūrsūltan Nazarbaevtyŋ esımın qoiudy ūiǧaryp otyrmyz. Astanany töl perzentındei aiaǧynan tık tūrǧyzyp, onyŋ damuyna, jas qalanyŋ kemeldenuıne bar küş-jıgerın, qajyr-qairatyn jūmsaǧan Memleket basşysyndai elınıŋ, jerınıŋ qamyn oilaityn bedeldı azamat bolsa eken balapanym» dedı jas ana.
Äliia Moldaǧūlova köşesınıŋ boiynda ornalasqan Astana qalalyq perzenthanasynda sol künı 18 ana böpelı boldy. Perzenthananyŋ bas därıgerı Zaituna Hamidullinanyŋ aituynşa, kün saiyn perzenthanada 28-30 bala tuady eken. Al, Astana merekesı künı tuǧan 7 ūl men 11 qyzdyŋ jäne olardyŋ analarynyŋ densaulyqtary jaqsy, köŋıl-küilerı köterıŋkı bolyp şyqty. Olai bolatyn sebebı, däl sol künı mekeme basşysy men qalalyq Densaulyq saqtau basqarmasynyŋ ana men bala densaulyǧyn saqtau bölımınıŋ jetekşı mamany Farida Nūrqasymqyzy jaŋa tuǧan säbilerdıŋ analaryn qos quanyştarymen qūttyqtap, olarǧa syilyqtar taratty.
Qalalyq №1 perinataldyq ortalyqta mereke künı düniege kelgen 28 balanyŋ 15-ı ūl, 13-ı qyz bala eken. Al, №2 perinataldyq ortalyqta tuǧan säbilerdıŋ sany – 15.
Jalpy, biyl Astana künı düniege kelgen säbilerdıŋ altauy – basqa qalalardan elordaǧa qydyryp kelgender bolsa, qalǧan elu bes bala bas qalanyŋ tūrǧyndary bolyp şyqty. Üş säbige Elbasynyŋ qūrmetıne Nūrsūltan esımı berıldı. Bır qyzyǧy, biylǧy merekede tuǧandardyŋ arasynda egızder de, üşemder de bolmai şyqty. Degenmen, Astana toiynda dünie esıgın aşqan böbekter men olardyŋ analarynyŋ bırde-bırı syilyqtan qūr alaqan qalmady.
Gülbarşyn ÖKEŞQYZY
