Astanada qandai mamandyqtar sūranysqa ie? Bas qalada qandai tegın kurstar bar? Jūmysqa tūru üşın qai mekemege habarlasu qajet?
Keşe Jastar saraiynda ötken bos jūmys oryndary järmeŋkesınde qala tūrǧyndaryna bır myŋǧa juyq qyzmet türı ūsynyldy.
Dästürlı şaraǧa 60-tan asa jūmys beruşı qatysyp, qala tūrǧyndary bılım, densaulyq, öndırıs, qūrylys jäne qyzmet körsetu salasyndaǧy bos oryndarmen tanysty.
– Būl – jyl basynan berı ötkızılgen jūmys järmeŋkesınıŋ onynşysy. Qorytyndy monitoring olardyŋ kömegımen 300-den köp adam tūraqty jūmysqa tūrǧanyn körsetıp otyr. Qazan aiynda taǧy ekeuın ūiymdastyru josparda bar, – deidı Jūmyspen qamtu ortalyǧynyŋ baspasöz hatşysy Didar Sadyqov.Bos orynnyŋ köbı qūrylysşylarǧa, mektepke deiıngı mekeme tärbieşılerıne, därıgerlerge tiesılı.
Bos orynnyŋ köbı qūrylysşylarǧa, mektepke deiıngı mekeme tärbieşılerıne, därıgerlerge tiesılı. Mysaly, jaŋadan aşylǧan öndırıs orny tehnikalyq mamandarǧa sūranys bıldırıp otyr. «Bır saǧat ışınde şamamen 30 adam keldı. 15 şaqty tüiındeme qyzyqtyryp ülgerdı. Basty talabymyz – joǧary bılım. Al tehnolog, injener-qūrylysşylardyŋ öndırıs ornyndaǧy eŋbek ötılıne mındettı türde qaraimyz» deidı kadr bölımınıŋ qyzmetkerı Rauşan Seitqalieva.
Elordalyq balabaqşalar da būl şaraǧa tūraqty keletınderdıŋ bırı. Sebebı qalamyzda osy saladaǧy mamandardyŋ jetıspeuşılıgı baiqalady. Osyǧan orai, järmeŋke aumaǧynda «Mektepke deiıngı mekeme tärbieşısı» mamandyǧy boiynşa käsıbi kurstarǧa jazylu jürgızıldı. Būl baǧdarlama tegın oqytylady ärı qatysuşylarǧa 16759 teŋge kölemınde şäkırtaqy tölenedı. Osy sūraqqa qyzyǧuşylyq tanytqandar Astana qalalyq Jūmyspen qamtu ortalyǧyna jügıne alady.
Aita keteiık, 1 qyrküiektegı jaǧdai boiynşa Jūmyspen qamtu ortalyǧyna biyl 9 125 adam keldı. Olardyŋ 81 paiyzǧa juyǧy äleumettık qoldau şaralaryna ılıktı. 5 180 adam jūmysqa ornalastyrylyp, 486 jas azamat «Jūmyspen qamtu-2020 jol kartasy» baǧdarlamasy şeŋberınde jastar praktikasyna jıberıldı. Al äleumettık jūmys oryndaryna 107 adam ornalastyrylsa, qaita daiarlau jäne bılıktılıktı arttyru kurstarynan 623 astanalyq öttı.
Mädina Qairatqyzy