Ol üşın «Bäiterek» monumentı men «Hanşatyr» sauda-oiyn-sauyq ortalyǧy maŋaiynda arnaiy şatyrlar tıgıldı.
Astanada qalalyq äkımdık pen «Astana Konvenşn Biuro» JŞS bırlesıp «Audiogidpen seruendeu» äleumettık jobasyn ıske qosty. Astananyŋ sol jaǧalauyndaǧy «Nūrjol» jelek joly boiynda oryn tepken körıktı ǧimarattarmen tanysqysy keletın är adamǧa audiogid atalatyn qūrylǧynyŋ kömegıne jügınuge bolady. Audiogidtı alyp, kündızgı saǧat 10.00 men keşkı 22.00 aralyǧynda 2-2,5 saǧat boiy qoldanuǧa alasyz.
Atalmyş qyzmet türı – tegın. Tek apparat qoldy bolyp ketpes üşın ony paidalanudyŋ azdaǧan şarttary bar. Audiogidpen seruendegıŋız kelse, keŋesşıge 5 myŋ teŋgenı kepılge qaldyrasyz. Odan keiın audiogidtı alyp, jüre beresız. Qaityp kelgen soŋ, kepıldıgıŋızdı qaityp alasyz.
Körsetılgen somadaǧy qarjy qaltaŋyzda bolmasa, keŋesşınıŋ janynda tūryp, apparatqa jazylǧan barlyq aqparatty tyŋdaisyz. Teledidar pultı tärızdı qūrylǧynyŋ 1-den 30-ǧa deiın sandaryn bassaŋyz, audiogid özıŋız qalaǧan qazaq, orys, aǧylşyn nemese qytai tılderınde sol jaǧalaudaǧy äsem ǧimarattarmen tanystyrady. Mäselen, «1» sanyn basqanda «Hanşatyr» turaly aqparat aitylady. «2» sanyn teru arqyly Ǧaşyqtar saiabaǧy jönınde mälımet berıledı. Al «3» sany «Astana Opera» teatrynan habar beredı. Osylaişa, är sannyŋ artynda elordadaǧy bır äsem ǧimarat tūr.
Äzırge audiogid qyzmetıne şeteldıkter köp jügınedı eken. Aldaǧy uaqytta qalada audiogidtı jalǧa beretın taǧy da üş oryn aşu josparlanyp otyr.
Amanǧali QALJANOV
