«Qazanat» atşabarynda teŋge ıluden II Aziia chempionaty, audaryspaqtan III Aziia chempionaty aiaqtaldy. Būl jarys Astana qalasynyŋ 20 jyldyǧyna orai ūiymdastyryldy. Qos jarystyŋ da altyn jüldelerın Qazaqstan sportşylary jeŋıp aldy. Teŋge ıluden tek Qyrǧyzstan komandasynyŋ ökılı qola jülde ielense, audaryspaqtyŋ bes salmaǧy boiynşa Qytai, Moŋǧoliia, Täjıkstan, Auǧanstan, Özbekstan, Qyrǧyzstan baluandary bırneşe kümıs jäne qola jüldelerdı qanjyǧalaryna bailady.
Audaryspaqtan III Aziia chempionatynyŋ absoliuttı salmaqtaǧy jekpe-jegınde jaŋa esım jarqyrap şyqty. Aqtöbelık jas baluan Arman Saǧynbaev qarsylastarynyŋ barlyǧyn bet qaratpai ūtyp, tüie baluany atandy.
Teŋge ıluden 9 memleket sportşylarynyŋ arasynan aqtyq synǧa sanauly saŋlaqtar suyrylyp şyqty. Al jüldelerdıŋ ekeuın qazaqstandyq şeberler ūtyp aldy. Altyn medal men 1500000 teŋge syilyq jas saŋlaq Maǧjan Saparbekke būiyrdy. Kümıs jülde men 750000 teŋge syilyqty Ǧalymjan Izjanov ielendı. Qola jülde men 500000 teŋge syilyqty Qyrǧyzstan sportşysy Amantur Minuur uuly qanjyǧasyna bailady.
Audaryspaqtan III Aziia chempionatynyŋ jaŋalyǧy Arman Saǧynbaev boldy. Aziianyŋ absoliuttı salmaqtaǧy bäsekesınde aqtöbelık bapker Abat Aimaǧanbetovtıŋ şäkırtı Arman Saǧynbaev tüie baluan atandy.
Astanada ötken Aziia chempionattaryn IýNESKO-nyŋ Dästürlı sporttar men oiyndar komitetınıŋ ökılderı arnaiy kelıp tamaşalauynyŋ özı köp jaitty aŋǧartsa kerek.
Teŋge ıluden II Aziia chempionatynyŋ jeŋımpazdaryn IýNESKO-nyŋ Dästürlı sport jäne oiyndar komitetınıŋ töraǧasy Halil Ahmed Han, komitettıŋ hatşysy Şammi Rana jäne komitettıŋ üilestıruşısı Marsellin Delli myrzalar, QR Mädeniet jäne sport ministrı Arystanbek Mūhamediūly, QR Ūlttyq sport türlerı qauymdastyǧynyŋ qūrmettı prezidentı Qairat Satybaldyūly marapattap, jüldegerlerge arnap qūttyqtau söz söiledı.
Ūlttyq sporttyŋ janküierlerı jaqsy bılse kerek, būǧan deiın audaryspaqtan I Aziia chempionaty 2014 jyly Astanada, II Aziia chempionaty 2016 jyly Qytai Halyq Respublikasynyŋ Ile-Qazaq avtonomiialy oblysynda ötken-dı. Ekı chempionatta da barlyq salmaqtyŋ bas jüldelerın qazaq baluandary enşılegen bolatyn. Būl joly da bızdıŋ jıgıtter bes salmaq boiynşa taǧy da altyn medaldı keudelerınde jarqyratty. Ūlttyq qūrama komandasynyŋ bas bapkerı Quanyşbek Qūramaevtyŋ, aǧa jattyqtyruşy Janbatyr Bekmūsaevtyŋ, jattyqtyruşy Abat Aimaǧanbetovtıŋ baptaǧan şäkırtterı naǧyz babynda ekendıgın taǧy bır däleldep berdı. Asa auyr salmaqtaǧy Bırjan Qosaliev, auyr salmaqtaǧy Syrym Izbasarov, 80 kelıdegı Esımhan Rahmatılla, 70 kelıdegı Şyŋǧyshan Erjanov, 60 kelıdegı Azamat Serǧazin el senımın aqtap şyqty. Beseuı de öz salmaqtarynda qarsylastaryn qapy qaldyryp, Aziia chempiondary atandy.
Myna bır oiymyzdy osy tūsta aityp ötken oryndy sanap otyrmyz. Mäselen, teŋge ılude tek qyrǧyzstandyq şeber ǧana qola jüldege qol jetkızdı. Onyŋ özı ekınşı künı audaryspaqta 80 kelı salmaqta kümıs jüldeger atanǧan – Amantur Minuur uuly. Iаǧni Qyrǧyzstan komandasynda öz elınde teŋge ıluden üzdık atanǧan, arnaiy daiarlanǧan sportşy bolǧan joq. Bäseke barysynda baiqalyp tūrdy, bızdıŋ Maǧjan Saparbek pen Ǧalymjan Izjanovtan basqa 150 metrdı 13-14 sekundta jūldyzdai aǧyp ötıp, 4-5 teŋgenı aspanǧa laqtyryp, janküier aiyzyn qandyrǧan sportşy mülde bolǧan joq. Tıptı teŋge ılu bylai tūrsyn, köpşılıgınıŋ qoldary qara jerge jetpei jūrtty küldırdı.
Al audaryspaq saiysynda jetı komanda sportşylary ǧana jüldelı boldy. Bas jüldege bes salmaq boiynşa Qazaqstan baluandarynan basqasy qol jetkıze almady. Türkiia men Resei baluandary elderıne jüldesız oraldy. Nege? Nege bas jüldenıŋ barlyǧy Qazaqstanda qaldy? Öitkenı Aziia chempionattaryna özge memleketter Qazaqstan komandasy siiaqty tyŋǧylyqty daiarlyq jasaǧan joq. Bırer ai būryn ötkızıluge tiıs jüielı oqu-jattyǧu jiynyn ötkızbedı.
Onyŋ üstıne, teŋge ıluge de, audaryspaq saiysyna da arnaiy üiretılgen at qajet. Al Aziia chempionattaryna segız memleket te atsyz kelıp qatysty. Sondyqtan şeteldık sportşylar audaryspaq pen teŋge ıluge eş beiımı joq, taqymdary üirenbegen at üstınde qaidan tabysty öner körsetsın? Mıne, «Nege bas jüldenıŋ barlyǧy Qazaqstanda qaldy?» degen joǧarydaǧy saualdyŋ bır jauaby – osy.
Al eger özge memleketter de Qazaqstan komandasy siiaqty chempionat aldynda jüielı oqu-jattyǧu jiynyn ötkızıp, özderı üiretken estı attarymen saiysqa tüser bolsa, mūndai halyqaralyq jarysta bas jüldelerdı uystap almas pa edı?!
Sonymen, qalyŋ janküier üşınşı Aziia chempionatyn tamaşalady. Ūiymdastyruda eş mın joq. Qalyŋ köpşılık ekı kün boiy ūlttyq sportqa janküierlık tanytty. Bıraq arada ötken tört-bes jylda eş özgerıs joq siiaqty. Şeteldık ūlttyq oiyn sportşylarynyŋ deŋgeiı älı bır qalypta tūr. Qazaqstandyq komandaǧa şynaiy laiyq qarsylas baiqalar emes. Mümkın, osy jolǧy jeŋılıstıŋ aşy dämı köpşılıgıne oi salar dep ümıttenemız. Äitpese, mūndai baiau qarqyn ūlttyq oiyn bäsekelerınıŋ qadamyna tūsau boluy da mümkın.
