Bos oryndar järmeŋkesı

«ADAL» partiiasynyŋ ökılderı elordada bos jūmys oryndary järmeŋkesın ötkızdı. Järmeŋkege qatysqan 20 jūmys beruşı 50-ge juyq bos jūmys oryndaryn ūsyndy. Būl – saiasi ūiymnyŋ ügıt-nasihat nauqany bastalǧaly ūiymdastyrǧan üşınşı ıs-şarasy.

Jūmyssyzdardyŋ sanyn azaitu – adaldyqtardyŋ sailaualdy baǧdarlamasyndaǧy eŋ özektı tarmaqtarynyŋ bırı. Olar 10 jeltoqsannan berı Almaty men Şymkenttegı jūmyssyzdardyŋ mäselesın şeşuge atsalysqan.
Endı, mıne, sondai järmeŋke Nūr-Sūltan qalasynda jalǧasyn tapty. Bır kündık järmeŋkege 20-ǧa juyq käsıporyn qatysty. Jūmys ızdegen 70-ten asa azamattar tüiındemelerın qaldyrdy. Ūiymdastyruşylardyŋ aituynşa, elordada mehanizatorlarǧa, qūrylysşylarǧa, sondai-aq menedjerlerge sūranys köp.
«ADAL» partiiasynyŋ müşesı Serıkbol Äbjanov adaldyqtardyŋ qoǧamdaǧy äleumettık mäselelerdı jü­ielı türde şeşuge küş-jıgerın aiamai jūmsap jatqanyn aitady. «Jūmys ızdegen adamdarǧa 15 kompaniia öz ūsynystaryn körsetı. Bız būl järmeŋkege barynşa köbırek adam tartuǧa tyrystyq. Qazır äleumettık jelılerdıŋ mümkındıkterın paidalandyq. Sonyŋ nätijesınde adamdar köp jinaldy. Mysaly, 1 saǧattyŋ ışınde 30 şaqty adam kelıp tü­iındemelerın körsettı. Olar jūmys beruşılermen aşyq sūhbattasyp, qarym-qatynas ornatty. Epidemiologiialyq jaǧdaiǧa bailanysty järmeŋkede barlyq sanitarlyq talaptar saqtaldy» dedı ol.
«ADAL» partiiasynyŋ jaqtastary qoǧamdaǧy äleu­mettık mäselelerdı şeşu üşın barynşa küş saluǧa bekıngenı aŋǧarylady. Bır quanarlyǧy, jūmyssyz azamattar partiianyŋ resmi saity arqyly da özınıŋ ötınışın jıbere alady. Atap aitsaq, partiianyŋ sailaualdy baǧdarlamasynda halyqqa jūmys ızdeuge, jūmyssyz retınde tırkeluge, jūmysqa ornalasuǧa nemese äŋgımelesu kezeŋderınde kömek körsetıletını aitylǧany mälım.
Serıkbol Äbjanov jūmyssyz jürgen jandardan kelıp tüsken ötınışter eleu­sız qalmaitynyn aitady. «Partiianyŋ ökılderı saitymyzǧa kelıp tüsken barlyq şaǧymdardy özınıŋ baqylauyna alady. Ärbır jūmys ızdegen adamǧa qai jerde jaŋa jūmys orny bar, sol jerden aqparat alyp, kömek qolyn sozuǧa daiyn» dedı ol partiianyŋ negızgı baǧyt-baǧdaryn tüsındırıp.
«ADAL» partiiasy ökılderınıŋ mektep oquşylaryna arnalǧan testı daiyndaǧany da belgılı. Saualnama sūraqtaryna jauap bergen är bala özıne ūnaityn mamandyqty taŋdap, bılıktı maman boluǧa erterek daiyndalady.