Dämejan SÄDUAQASOVA, Eŋbek, äleumettık qorǧau jäne köşı-qon komitetı Astana qalasy boiynşa departamentınıŋ basşysy: BAZALYQ ZEINETAQY TÖLEMDI EKI ESELENDIREDI
Jiyrma jyl būryn Bırıkken Ūlttar Ūiymy Bas Assambleiasynyŋ şeşımımen 1 qazan – Qarttar künı bolyp belgılengenı esımızde. Bızdıŋ memleketımızde qoǧamnyŋ barlyq müşelerın qūrmettep, qart kısılerdıŋ eŋbegınıŋ maŋyzdylyǧy eskerılıp, būl mereke köpşılıktıŋ qoldauymen erekşe märtebege ie bolǧan. Mereke qarsaŋynda gazet tılşısı Eŋbek, äleumettık qorǧau jäne köşı-qon komitetı Astana qalasy boiynşa departamentınıŋ basşysy Dämejan Säduaqasovamen tıldesıp qaitty.
Äleumettı memleket qoldaidy
– Dämejan Töleubaiqyzy, aldymen Astanada tūratyn qarttar men mümkındıgı şekteulı jandarǧa körsetıletın qamqorlyq pen järdemaqy jönınde äŋgımelep berseŋız.
– Qazaqstan Respublikasy da basqa elder siiaqty öz azamattarynyŋ zeinetaqysy men äleumettık qamsyzdandyryluyn memlekettıŋ jauapkerşılıgıne alǧan. Bügıngı künı bas qalada 72036 adam jasyna bailanysty zeinetaqy tölemderın alady. Mügedektıkke bailanysty – 16852 azamat, asyrauşysynan airyluyna bailanysty – 4763 azamat jäne jasyna bailanysty 223 adam memlekettık äleumettık järdemaqymen qamtylǧan. Sonymen bırge, 1998 jyldan bastap bızde arnaiy memlekettık järdemaqylar engızıldı, onyŋ mölşerı ailyq eseptık körsetkış şamasyna täueldı. Aǧymdaǧy jyldyŋ qyrküiegındegı statistikaǧa jügınsek, atalǧan kömektı mügedektıgı boiynşa 19604 adam, Ūly Otan soǧysyna qatysuşylar retınde 117 adam, «Altyn alqa», «Kümıs alqamen» marapattalǧan 11200 köpbalaly ana, tört nemese odan da köp balasy bar otbasy jäne tyldaǧy eŋbegı üşın 3759 adam ielenedı.
Aita ketetın mäsele, zeinetaqy jäne memlekettık järdemaqylardyŋ mölşerı jyl saiyn artyp keledı. Soŋǧy 17 jylda eŋ tömeŋgı zeinetaqy mölşerı 9 esege joǧarylap, 3000 teŋgeden 25824 teŋgege deiın östı, al ortaşa alǧandaǧy zeinetaqy mölşerı bazalyq zeinetaqysyz eseptegende 10 ese ösıp, 4179 teŋgeden 42791 teŋgenı qūrady.
– Azamattar zeinetkerlık jasqa jetken kezde, memleket qandai zeinetaqy kepılderımen qamtamasyz etedı?
– Bügıngı künı zeinetaqy jüiesı mynadai qūramdas bölıkterden tūrady: bırınşı, bazalyq zeinetaqy tölemı. Mūnda barlyq zeinetkerlerge eŋbek ötılı men tabysyna qaramai, respublikalyq biudjet qarajatynan taǧaiyndalady. Ekınşı, eŋbek zeinetaqysy. Azamattyŋ 1998 jyldyŋ 1 qaŋtaryna deiıngı eŋbek ötılı jäne zeinet aldyndaǧy tabysyna bailanysty eseptelıp, respublikalyq biudjet qarajatynan taǧaiyndalady. Üşınşı, mındettı 10 paiyzdyq zeinetaqy jarnalary esebınen qalyptastyrylǧan Bıryŋǧai jinaqtauşy zeinetaqy qorynan tölemder. Törtınşı, erıktı zeinetaqy jarnalarynyŋ boluyna bailanysty tölenetın erıktı zeinetaqy tölemderı.
– Köpşılıktıŋ ışınde bılmeitınder bar, Qazaqstanda zeinetke qai jasta şyǧuǧa bolady?
– Bügınde erler zeinetke 63 jasynda şyqsa, äielder 58 jasynda şyǧa alady. Alaida 2018 jyldyŋ 1 qaŋtarynan bastap äielderdıŋ zeinetkerlık jasy jyl saiyn 6 aiǧa ösıp otyratyn boldy. Sonda äielderdıŋ zeinetke şyǧatyn jasy 2027 jyly 63-ke jetıp, er kısılermen teŋesedı. Äielder üşın zeinetkerlık jastyŋ artuyna jyl saiyn eŋbek zeinetaqy mölşerınıŋ azaiuy sebep bolǧanyn aitu qajet.
Analarǧa qamqorlyq airyqşa
– Dämejan Töleubaiqyzy, azamattardyŋ zeinetke erte nemese jeŋıldık şarttarymen şyǧa alatyn qandai sanattary bar?
– Jön saual, eŋ aldymen, bes jäne odan da köp bala tuǧan (asyrap alǧan) nemese olardy segız jasqa deiın tärbielegen äielder 53 jasqa tolǧanda, zeinetaqy tölemderın aluǧa qūqyly. Ekınşı, Semei iadrolyq synaq poligonynyŋ tötenşe jäne radiasiia qaupı eŋ joǧary aimaǧynda 1949 jyldyŋ 29 tamyzynan, 1963 jyldyŋ 5 şıldesı aralyǧynda kemınde bes jyl tūrǧan azamattar. Būl sanattaǧy er kısıler 50 jasqa tolǧanda, äielder 45 jasqa tolǧanda zeinetaqy tölemderın taǧaiyndatuǧa qūqy bar. Zeinetke erte şyǧuǧa mümkındık beretın kelesı jaǧdai – zeinetaqy annuiteti şartyn jasau. Ol degenımız, zeinetaqy jinaqtary jetkılıktı bolǧan kezde, zeinetaqy annuitetı şartyn jasau mümkındıgı erlerge 55 jastan keiın, äielderge 50 jastan keiın tuady. Būl rette saqtandyru ūiymynan tölenetin ailyq saqtandyru töleminıŋ mölşerı zeinetaqy annuiteti şarty jasalǧan künı qoldanysta bolatyn eŋ tömen zeinetaqy mölşerınen tömen bolmauǧa tiıs.
– Tüsınıktı, al zeinetkerlıkke şyqqan kezde eŋbek ötılı jäne zeinetaqynyŋ mölşerı qalai esepteledı?
– Jasyna bailanysty eŋbek zeinetaqy mölşerın esepteu kezınde 1998 jyldyŋ 1 qaŋtaryna deiıngı ötılı esepke alynady, sebebı elımızde sol kezden bastap jinaqtauşy zeinetaqy jüiesı engızıldı. 1998 jylǧy 1 qaŋtarǧa deiın eŋbek ötılı erlerde 25 jyl, äielderde 20 jyl bolǧan jaǧdaida, tolyq kölemde zeinetaqy taǧaiyndalady.
Nnegızgı mölşer – eŋbek ötılı men tabys
– Dämejan Töleubaiqyzy, bolaşaq zeinetaqy mölşerı qyzmetkerdıŋ kırısıne de bailanysty boldy ǧoi sonda, iä?
– Zeinetaqynyŋ mölşerın esepteu kezınde ekı qūramdas eskerıledı, ol – eŋbek ötılı jäne tabys. Zeinetaqynyŋ mölşerın esepteu üşın 1995 jylǧy 1 qaŋtardan bastap zeinetaqy jasyna jetken kezge deiın jūmystaǧy üzılısterge qaramastan, qatarynan kez kelgen üş jyldyŋ tabysy ūsynylady. 1998 jylǧy 1 qaŋtardan bastalǧan kezeŋ üşın ortaşa ailyq tabystyŋ mölşerı jinaqtauşy zeinetaqy qorlaryna nemese bıryŋǧai jinaqtauşy zeinetaqy qoryna mındettı zeinetaqy jarnalary jüzege asyrylǧan tabysqa säikes belgılenedı. Būl rette, zeinetaqy esepteu üşın tabys Respublikalyq biudjet turaly zaŋda tiıstı qarjy jylyna belgılengen ailyq eseptık körsetkıştıŋ 41 eselengen mölşerınen aspauǧa tiıs, iaǧni 2016 jylǧa zeinetaqy esepteu üşın eŋ joǧary tabys 86961 teŋgenı qūraidy.
Atap ötetın bır jait, departament zeinetaqy tölemderın taǧaiyndaudaǧy uäkılettı organ retınde, zeinetaqy taǧaiyndau üşın ūsynylǧan qūjattardy dūrys resımdeuge qaitaruǧa jäne tekseruge qūqyly. Mäselen, bız salyq organdary, mūraǧattyq mekemeler jäne ädılet organdarymen özara tyǧyz bailanystamyz.
– Zeinetaqy men järdemaqy taǧaiyndau üşın jalǧan nemese rastalmaǧan qūjattar ūsynylǧan jaǧdailar boldy ma?
– İä, ondai jaǧdailar bolyp tūrady. Memlekettık organdardan jūmys faktısı nemese ūsynylǧan tabystyŋ rastalmaǧany turaly jauap alǧan kezde, osy rastalmaǧan jūmys kezeŋderı eŋbek ötılıne eseptelmeidı, al salyq organdary arqyly ūsynylǧan tabys rastalmasa, zeinetaqy tölemderı mölşerın esepteu kezınde ol tabys esepke alynbaidy.
– Bügıngı taŋda zeinetkerlerdıŋ arasynda 1998 jylǧa deiın de jäne odan keiın de eŋbek ötılı ülken, bıraq zeinetaqylary eŋ tömengı mölşerden aspaityn kısıler bar. Sol azamattardyŋ qūqyn qorǧau mäselesı qalai şeşılude?
– Dūrys aitasyz, zeinetkerlerdıŋ arasynda eŋbek ötılı köp bolǧanymen, zeinetaqy mölşerı eŋ tömen, iaǧni 2016 jylǧy respublikalyq biudjetpen belgılengen 25824 teŋge alatyn azamattar köp. Sondyqtan osyndai sanattaǧy azamattardyŋ zeinetaqy mölşerın arttyru maqsatynda 2018 jyldyŋ 1 şıldesınen bastap bazalyq zeinetaqy tölemın taǧaiyndau şarttary özgeredı. Bazalyq zeinetaqy tölemı tek qana jalpy belgılengen zeinetaqy jasyna jetken kezde taǧaiyndalatynyn atap ötu kerek. 2018 jylǧy 1 şıldeden bastap memlekettık bazalyq zeinetaqy tölemı zeinetaqy jüiesıne qatysu ötılı 10 jyl jäne odan az bolǧan ne bolmaǧan kezde tiıstı qarjy jylyna arnalǧan Respublikalyq biudjet turaly zaŋda belgılengen eŋ tömen künkörıs deŋgeiı şamasynyŋ 50 paiyzy mölşerınde, zeinetaqy jüiesınde qatysu ötılı 10 jyldan artyq ärbır tolyq jyl üşın onyŋ mölşerı 2 paiyzǧa arttyryla otyryp, ötılı 35 jyl jäne odan artyq bolǧanda, eŋ tömen künkörıs deŋgeiı şamasynyŋ 100 paiyzyna teŋestırıledı.
Memlekettık bazalyq zeinetaqy tölemın esepteu kezınde 1998 jylǧy 1 qaŋtarǧa deiıngı kezeŋde ıstegen eŋbek ötılı; jūmys ıstemeitın ananyŋ nemese jūmys ıstemeitın äkenıŋ (baǧyp-kütudı ol naqty jüzege asyrǧan kezde) jas balalardy baǧyp-kütken, bıraq ärbır bala 3 jasqa tolǧanǧa deiın jalpy jiyntyǧy 12 jyl şegınen aspaityn uaqyt; 16 jasqa deiıngı mügedek balany baǧyp-kütken uaqyt; mındettı zeinetaqy jarnalary jäne jūmys beruşınıŋ mındettı zeinetaqy jarnalary jüzege asyrylǧan kezeŋ; äskeri qyzmet, arnauly memlekettık jäne qūqyq qorǧau organdaryndaǧy qyzmet kezeŋı; QR diplomatiialyq qyzmetterı men halyqaralyq ūiymdar qyzmetkerlerı jūbaiynyŋ (zaiybynyŋ) şetelde tūrǧan, bıraq jalpy jiyntyǧy 10 jyldan aspaityn kezeŋı; äskeri qyzmetşılerdıŋ (merzımdı qyzmettegı äskeri qyzmetşılerden basqa), arnauly memleketttık organdar qyzmetkerlerı jūbailarynyŋ mamandyǧy boiynşa jūmysqa ornalasu mümkındıgı bolmaǧan jerlerde jūbailarymen bırge tūrǧan, bıraq jalpy jiyntyǧy 10 jyldan aspaityn kezeŋ zeinetaqy jüiesıne qatysu ötılıne esepke jatqyzylady.
Solai, 2018 jyldyŋ 1 şıldesınen bastap osy normany ıske asyru maqsatynda qazırgı zeinetkerlerge zeinetkerlık qūjattarda bar mälımetter negızınde bazalyq zeinetaqyny qaita esepteu ötkızılıp, bazalyq zeinetaqy tölemın ekı ese arttyruǧa mümkındık beredı.