EKONOMİKAMYZDY SÜIREITIN ELEKTROVOZ
Būrnaǧy künı Prezident Nūrsūltan Nazarbaev Astananyŋ arnaiy ekonomikalyq aimaǧynda ornalasqan elektrovoz qūrastyru zauytynyŋ aşylu saltanatyna qatysyp, osynda şyǧarylatyn KZ8A seriialy alǧaşqy elektrovozdyŋ tūsauyn kestı.
Öndırıstık aumaǧy 27 522 şarşy metrdı qūraityn jaŋa zauyttyŋ ırgetasy 2010 jyldyŋ mausym aiynda qalanǧan. Onyŋ jylyna ekı seksiialyq 50 elektrovoz şyǧaruǧa qauqary bar. Fransiianyŋ «Alstom Transport» kompaniiasy jasap şyǧarǧan quatty temırjol kölıgı Qazaqstan men TMD jäne Baltyq elderınıŋ tabiǧatyna beiımdele jasalǧan eken.
Iаǧni, elektrovoz -50 °C pen +50 °C aralyǧyndaǧy aua raiy özgerısterıne tötep bere alady.
Jaŋa zamannyŋ zamanaui elektrovozynyŋ keŋ kabinasy da kırse şyqqysyz. Onda maşinistke qajettınıŋ bärı bar: mikrotolqyndy peş, toŋazytqyş, jūmsaq oryndyq. Tıptı, edenınıŋ özı jylytylady eken.
Memleket basşysyna jaŋa jobany tanystyrǧan «Qazaqstan temır joly» AQ prezidentı Asqar Mamin tartu küşı 9 myŋ tonnaǧa jetetın qauqarly KZ8A seriialy elektrovozdyŋ qazırgı taŋda Reseide synaqtan ötkızılıp jatqandyǧyn, al 2013 jylǧy qaŋtardan bastap Qazaqstandaǧy synaǧy bastalatyndyǧyn aityp öttı.
Zamanaui ülgıde jasaqtalǧan elektrovoz qūrastyru zauytyna köŋılı tolǧanyn bıldırgen Memleket basşysy saltanatty räsımde söz söilep, būl maŋyzdy joba ekonomikalyq damuǧa ülken serpın beretının, tehnologiialyq tūrǧydan önımdılıgı joǧary zauytqa TMD aumaǧy da erekşe yqylas tanytyp otyrǧanyn jetkızdı.
– Ekı jarym jyldyŋ özınde elımızde 550 jaŋa käsıporyn paidalanuǧa berıldı. Jüzdegen myŋ jūmys orny aşyldy. Bügın bız Qazaqstan üşın maŋyzdy oqiǧanyŋ kuäsı bolyp otyrmyz. Temır jol kölıgı – Qazaqstan ekonomikalyq damuynyŋ küretamyry. Ekonomikalyq damu tasymaldausyz mümkın emes. Sondyqtan da infraqūrylymǧa zor maŋyz berudemız. Memleket būl ıske ülken qarjy bölude, – dedı Elbasy.
Jaŋa zauyttyŋ Keden odaǧy elderın elektrovozben qamtityndyǧyn aitqan Memleket basşysy «būl Qazaqstannyŋ investorlarǧa salyqtyq jeŋıldıkter, jer bölu sekıldı barlyq qolaily jaǧdailardy jasap otyrǧandyǧyn körsetetının» atap öttı.
Saltanatty şara barysynda Dostastyqqa qatysuşy memleketterdıŋ temır jol kölıgı äkımşılıkterı Keŋesınıŋ töraǧasy Petr Kucherenko Qazaqstan Respublikasynyŋ Prezidentı Nūrsūltan Nazarbaevqa «TMD-nyŋ «Qūrmettı temırjolşysy» ataǧyn tapsyrdy.
Elektrovoz qūrastyru käsıpornyna üş kompaniia 11,2 milliard teŋge investisiia salypty. Zauyttyŋ 50 paiyz aksiiasy QTJ-ǧa (Qazaqstan) tiesılı bolsa, Transmaşholding (Resei) jäne Alstom (Fransiia) kompaniialarynyŋ ärqaisysy 25 paiyzdyq aksiiany enşılegen. Sondyqtan, zauytty üş kompaniia bırlesıp basqaratyn bolady.
Josparǧa säikes, käsıporyn öz jūmysyn 2013 jyldyŋ qaŋtarynan bastap, 2016 jyly jobalyq quatyna enetın bolady.
Käsıporynda önımnıŋ şyǧuyna bailanysty jūmysşylar sany bügınde – 47. Keiın zauyttyŋ önımdılıgı artqan kezde olardyŋ qatary 650-ge jetetın bolady.
Qymbat NŪRǦALİ