BIR OTAN! BIR TAǦDYR! BIR ELBASY!
Tūŋǧyş Prezident künı Astana saltanatty şaralardyŋ basty sahnasyna ainaldy.
Eŋ auqymdy merekelık konsert «Bır Otan, Bır taǧdyr, Bır Elbasy!» degen atpen elordadaǧy 30 myŋ adam oŋai syiyp ketetın «Astana- Arena» stadionynda öttı.
Şaraǧa Memleket basşysy Nūrsūltan Nazarbaev bastaǧan bır top bilık ökılderı de qatysty.
«Basyna kötergen halqymnan ainalaiyn!»
Tūŋǧyş Prezident merekesınıŋ küntızbedegı däl osy künge qyzyl ärıppen belgılenuınıŋ tarihy ärıde jatyr.
1991 jyldyŋ 1 jeltoqsanynda Qazaqstan Respublikasynda alǧaşqy jalpy halyqtyq Prezident sailauy ötıp, sailauşylardyŋ 98,78 paiyz dausymen Nūrsūltan Nazarbaev jeŋıske jetken edı.
Jiynnyŋ qūttyqtau sözın söilegen Elbasy: «Bügın jai kün emes, Tūŋǧyş Prezident künı meiramy. Al Tūŋǧyş Prezident – ol men. 1991 jyly tūŋǧyş ret men sailanǧan bolatynmyn. Bıraq, mäsele onda emes. Osy jyly qazaq halqy özınıŋ tarihynda tūŋǧyş ret täuelsız el bolyp, Köşbasşysyn sailady. Sol senımnıŋ arqasynda men Qazaqstannyŋ täuelsızdıgın jariialadym. Äitpese, ol bolmas edı. Halyq menıŋ moinyma ülken jauapkerşılık artyp, iyǧyma köp närsenı jüktedı. Sondyqtan, men tek qana halyqtyŋ tapsyrmasyn oryndaǧan adammyn. Talaidan berı qoldap, qorǧap bırneşe märte sailap, basyna kötergen halqymnan ainalaiyn. Elge qyzmet etuden eşqaşan talmaimyz!» dedı.
Öz atyna aitylyp jatqan jaqsy sözderge rizaşylyǧyn bıldırdı.
Täuelsızdık jyldaryndaǧy tabysty eŋbek pen jemıstı jūmysty jasaǧan qazaq halqy, qazaqstandyqtar ekenın basa aityp öttı.
«Jiyrma jylda jüz jyldyq jetıstıktı baǧyndyrdyq!»
Elbasynyŋ jiı aitatyn būl sözın bügınde älem alpauyttarynyŋ özı erıksız qūptaidy. Qūptamasqa amaly joq.
Rasynda, Qazaqstan jiyrma jyldyŋ ışınde basqa memleketter jüz jylda jetpegen jetıstıkterge jettı. Endı, mıne, eldıktı eŋselı, täuelsızdıktı tūǧyrly etetın taǧy bır memlekettık merekenıŋ tūsauyn kesıp, dübırletıp atap öttı. Olai etuge haqysy bar.
Memleket basşysy merekelık jiynda «Bız bar bolǧany jiyrma jyldyŋ ışınde adamnyŋ oiyna kelmeitın, armandamaityn maqsattarǧa jettık. Bırınşıden, älem kartasynda joq memlekettı qūrdyq. Ekınşıden, eldıŋ ekonomikasyn tüzep, jaǧdaiyn jasadyq. Eşbır qazaq şetelde batyraq bolyp jürgen joq. Kerısınşe, olar bızge kelıp jūmys ıstep jatyr. Üşınşıden, bız memlekettıŋ qauıpsızdıgın nyǧaittyq. Törtınşıden, Qazaqstandy bükıl dünie jüzıne paş ettık. Bızdı syilap, qūrmet tūtatyndar köbeidı» dedı.
Bız baǧyndyrǧan būl biıkter, ärine, Elbasynyŋ köregen, sarabdal saiasatynyŋ arqasy ekenı sözsız. Öitkenı, qazaqtyŋ şyqqan qai şyŋy da Nūrsūltan Nazarbaevtyŋ esımımen tyǧyz bailanysty.
Elı erıne senım artsa, erı elıne arqa süieidı
Qara küştıŋ emes, oi men bılımnıŋ ǧasyry kelgendıgın ünemı qaitalaityn Prezident jastarǧa arqa süieitının osy joly da aityp öttı. Zalǧa jinalǧan jūrttyŋ jartysynan köbı jastar bolǧandyqtan, solarǧa qaratyp: «Sızder, jastar, täuelsızdıktıŋ qūrdasy bolyp tabylasyzdar. Sızder basqa zamanda ömırge keldıŋızder. Myna ūly dalada babalarymyzdyŋ qany men terı tögılgen. Sol keŋ dalany ärı qarai aman-esen alyp baryp, ūrpaqtan-ūrpaqqa jetkızu – sız ben bızdıŋ paryzymyz» dedı.
Qazaqstandy bükıl düniejüzı tanyǧanyn, elımız ülken qūrmetke bölengenın taǧy bır tılge tiek ettı.
«Bolaşaqta osy jūmystardy ärı qarai atqaratyn sızder bolasyzdar. Sondyqtan, jasalyp jatqan barlyq şarualar sızder üşın! Bızdıŋ moinymyzdaǧy mındet bolaşaqta jastarǧa jükteledı» dedı Prezident.
Qazaq jastarynyŋ būl maqsat-mındettı jauapkerşılıkpen atqaratynyna senımın de bıldırdı.
Bolaşaq bügınnen bastalady
«2050 jyly menıŋ oiymşa, Qazaqstan sauatty halyq bolady. El halqy üş tıldı jetık meŋgeredı. Qazaq tılı jappai qazaqstandyqtardyŋ tılı bolady da, sonyŋ töŋıregınde Qazaqstan ūlty degen bır ūlt paida bolady» dedı Prezident.
Osy oraida Memleket basşysy jastardy bılım men bäseke jolynda eŋbek etuge şaqyrdy.
«2050 jyly jer betınde 9 mlrd adam tūratyn bolady. Olardyŋ ışınde özara bäsekelestık artady. Osy bäsekeden bız jeŋıp şyqpasaq, artta qaluymyz mümkın. Sondyqtan, elımızdıŋ jastary osy maqsat-mındet jolynda eŋbektenuı tiıs» dep tüiındedı sözın.
Sänı bölek saltanat
Merekelık keştıŋ este qalar erekşe tūsy köp boldy. «Körgen de armanda, körmegen de armanda» degen tırkes eske tüsedı mūndaida.
Mädeniet basqarmasynyŋ bastyǧy Bolat Majaǧūlovtyŋ aituynşa, Elbasy sport pen mädenietke jany jaqyn adam bolǧandyqtan, şara sport jäne mädeni şou retınde ūiymdastyrylypty.
«Bır Otan, bır taǧdyr, bır Elbasy!» sporttyq būqaralyq aksiiasy barysynda tek qoiylymnyŋ özıne ekı myŋǧa juyq adam qatystyryldy.
Ūiymdastyruşylardyŋ aituynşa, jinalǧan adam sany stadionnyŋ syiymdylyǧynan da asyp jyǧylypty.
Baǧdarlamasy üş ai boiy pysyqtalǧan konserttıŋ tızgının belgılı sportşy Serık Säpiev, änşı Mädina Säduaqasova jäne akter Azamat Satybaldy ūstady.
Aituly ıs-şaraǧa äzırlık kezınde kündız külkı, tünde ūiqy körmegen ūiymdastyruşylar körermen köŋılınen şyǧu üşın aianyp qalmaǧan syŋaily.
Merekelık baǧdarlamada Qazaqstannyŋ el bolyp qalyptasu joly men 21 jyl ışınde jetken jetıstıkterın aişyqtaityn qoiylymdar körsetıldı.
Zalda otyrǧan jastar qoldaryndaǧy türlı-tüstı jalauşalarmen «Elbasy», «Astana», «Nūrsūltan», «Prezident» sözderın beinelep otyrdy.
Ortadaǧy alaŋda bişılerdıŋ saltanatty biın velosportşylardyŋ şeruı jalǧastyrdy.
Konsertte Erbolat Qūdaibergenov, Mädina Säduaqasova, Jūldyz, «Ringo», «Alaş ūly» toptary merekege arnaiy jazdyrǧan änderın oryndady.
Keşte konserttık baǧdarlama-men qosa Täuelsızdık jyldary, Elbasynyŋ eŋbek joly, elımızdıŋ ekonomikalyq-saiasi, mädeni damu kezeŋderı turaly beinematerialdar körsetıldı.
Şynar DOSAN