Tūŋǧyş Prezidenttıŋ künınde Memleket basşysy Nūrsūltan Nazarbaev elımızdegı orta oqu oryndary men mektepterdıŋ oquşylarymen kezdestı. Elbasymen jüzdesu baqytyna ie bolǧan jetkınşekterdıŋ barlyǧy da «Oquşy-köşbasşy» ziiatkerlık baiqauynyŋ jeŋımpazdary men olimpiada jüldegerlerı.
Qarym-qabıletı jaǧynan qatarlastarynan ozyp, öz mektebınıŋ maqtanyşyna ainalǧan oquşylardy Prezident qūttyqtap, erekşe yqylas bıldırdı:
– Sızder elımızdıŋ täuelsızdıgı kezeŋınde düniege keldıŋızder. Qazaqstan da sızderdei jap-jas. Jastyǧyna qaramastan bızdı älem tanidy jäne barlyq memleket pen halyqaralyq ūiymdar moiyndaǧan. Bız – bügınde ekonomikasy ornyqty jäne tūraqty elmız. Sızder Qazaqstan damuynyŋ, onyŋ ülken jetıstıkterınıŋ kuäsısızder, – dep atap öttı.
Qazaq jerı – älemdık deŋgeidegı aituly şaralar ötkızudıŋ alaŋyna ainalǧanyn aitqan Elbasy jaqynda elımızdıŋ «EHRO – 2017» halyqaralyq körmesın ötkızu qūqyna ie bolǧanyn, būl ekonomikamyz men innovasiianyŋ damuyna zor serpın beretının jetkızdı.
Öz sözınde Elbasy tūraqty damu jolyna tüsken elımızdıŋ jaǧdaiyna, «Qazaqstan – 2030» strategiialyq baǧdarlamasynyŋ josparly türde jüzege asyrylyp jatqanyna toqtala kele:
– Sızder jaqsy kezeŋde ömır sürıp otyrsyzdar. Memleket jastardyŋ jan-jaqty damuy üşın barlyq jaǧdai jasap jatyr, öitkenı, HHI ǧasyrda ǧylym men bılımnıŋ deŋgeiı kez kelgen eldıŋ älemdık ekonomikadaǧy ornyn anyqtaidy. Sızder öz bolaşaqtaryŋyz öz qoldaryŋyzda ekenın, ärkım öz baqytynyŋ ūstasy ekenın este ūstaularyŋyz kerek. Sızderdıŋ qazırgı basty mındetterıŋız – jaqsy bılım alu. Sondyqtan, men şetelde mamandar daiarlau üşın «Bolaşaq» baǧdarlamasy turaly bastama köterdım. Qazırgı kezde 8 myŋnan astam qazaqstandyq şetelde bılım aldy. Olardyŋ köpşılıgı bügınde memlekettık organdarda jauapty qyzmetter atqarady. Būlar – bırneşe tıl bıletın, bılımdı jäne daiarlyqtan ötken mamandar. Al bızdıŋ elımızde qoǧamdy bırıktıru ısınde memlekettık tıl erekşe röl atqarady. Memlekettık tıldı ärbır qazaqstandyq bıluı qajet, – dep atap körsettı.
Kezdesu barysynda oquşylar da Memleket basşysyn memlekettık mereke Tūŋǧyş Prezident künımen qūttyqtap, oi-pıkırlerın ortaǧa saldy.
Astanadaǧy №6 mektep-gimnaziianyŋ oquşysy Polina Chaiuk:
– Sız qarapaiym halyqqa ne qajet ekenın jaqsy bılesız. Būl turaly ata-anam jiı aitady. Öitkenı, Sız özıŋız halyqtyŋ arasynan şyqtyŋyz: qarapaiym jūmysşydan Prezidentke deiıngı joldan öttıŋız dep tılegın bıldırse, №35 mektep-gimnaziiasynyŋ oqytuşysy Ädıl Segızbai:
– Sızdıŋ eren eŋbegıŋızdıŋ arqasynda bügıngı Qazaqstannyŋ tūǧyrly būtaǧy berık, tamyry myqty Bäiterek sekıldı nyq tūr. Sız Amerikada bolǧan kezıŋızde AQŞ Prezidentı Djordj Buştyŋ «Djordj Vaşington Amerika üşın qandai bolsa, Sız Qazaqstan üşın sondaisyz» degenın men jaqsy bılemın. Djordj Vaşington Amerika memleketın qūrdy, al Sız, qūrmettı Nūrsūltan Äbışūly, bızdıŋ Täuelsızdıgımızdı qūrdyŋyz, – dedı.
Köşbasşy oquşylardyŋ äŋgımesınen olardy Elbasynyŋ ömırı men ösıp-öngen jerlerı, jazǧan eŋbekterı erekşe qyzyqtyratyny baiqaldy. Sondai-aq, jetkınşekterdı elımızdıŋ erteŋı men bügıngı damu joly da bei-jai qaldyrmaidy eken. Nūrsūltan Äbışūly olarǧa elımızdegı ekonomikalyq özgerıster men äleumettık baǧdarlamalar eŋ aldymen halyqtyŋ äl-auqatyn jaqsartuǧa baǧyttalǧanyn aityp berdı. Ärı el damuynda ozyq tehnologiialar men innovasiialardyŋ da rölı ülken ekendıgıne ekpın tüsırıp, olardyŋ tızgının ūstap, tılın meŋgeruge şaqyrdy. Bıraq bügıngı «ǧalamtor ūrpaq» aqparattyq tehnologiialarǧa ǧana bailanyp qalmai, barlyq salalarda da belsendı boluy kerek.
– Kıtap oqyp, ǧylymi zertteulerge, türlı jaŋalyqtar men ideialarǧa qyzyǧuşylyq tanytu kerek. Men – «kıtap oqityndar teledidar nemese ǧalamtor qaraityndardy basqaratyn bolady» degen sözge tereŋ den qoiamyn, – dei kele, Elbasy elımızdıŋ erteŋgı tızgının ūstar ūrpaǧyna el ülken senım artyp otyrǧanyn, sondyqtan alǧa maqsat qoiyp, sol maqsatqa jetu jolynda aianbai eŋbek etıp, bılım alyp, ülken azamat bolu qajettıgın basa aitty.
Prezidentınıŋ özımen emın-erkın äŋgımelesken oquşylar būl jüzdesuden jıgerlenıp, erekşe äserlenıp qaitqany anyq.
Qymbat NŪRǦALİ
