Nūr-Sūltan qalasynda volonterler ūlttyq halyq sanaǧy jūmysyna belsendı aralasyp jür. 1 qazannan bastap ūlttyq halyq sanaǧy aiasynda interviuerlerdıŋ üilerdı jappai aralauy jürıp jatyr. Būl – elımız täuelsızdık alǧan sätten berı ötıp jatqan üşınşı halyq sanaǧy. Biyl halyq sanaǧyna alǧaş ret sifrlyq tehnologiialar qoldanyluda.
Erıktılerdıŋ būl jūmysy halyq sanaǧy prosesınıŋ jyldamdauyna septıgı tierı sözsız. «Volonterler halyq sanaǧy boiynşa aqparattyq bukletter taratyp jür. Osylaişa qala tūrǧyndaryna halyq sanaǧy boiynşa tırkeuge tūru, kıru jönınde aqparattyq kömek körsetıp jatyrmyz. Tūrǧyn üilerdegı poşta jäşıkterıne de osyndai aqparattyq bukletter salamyz. Halyq sanaǧyna şamamen 50-ge tarta erıktı aralasyp jür» dedı «Astana jastary» KMM mamany Damir Aitymov.
Dästürlı jappai üi-üidı aralau kezeŋınde būryn onlain-sanaqtan ötken respondentter ekınşı ret qaita jazylmaidy. Olar interviuerge sanaq ötkendıgı turaly būryn alynǧan SMS-habarlamany nemese elektrondyq habarlamany körsetuı tiıs.
– Volonter bolǧanyma bır ai boldy. Öz ömırıme özgerıs engızıp, ainalama kömektesu üşın erıktıler tobyna qosylǧanmyn. Qazır halyq sanaǧy boiynşa qala tūrǧyndaryna bukletter taratyp jürmız. Sol siiaqty tūrǧyn üi keşenderın aralaimyz, – dedı «Astana jastary» KMM volonterı Asylaiym Joltai.
