El Täuelsızdıgınıŋ 25 jyldyǧy qarsaŋynda memleket müddesı jolynda eŋbek etıp jürgen azamattardy marapattau şaralary älı de jalǧasyp jatyr. Elorda äkımdıgınde Qazaqstan halqy Assambleiasynyŋ bırqatar müşelerı «Qazaqstan Respublikasynyŋ Täuelsızdıgıne 25 jyl» mereitoilyq medalımen jäne QHA-nyŋ «Bırlık» altyn medalımen marapattaldy.
Qoǧamdaǧy beibıtşılık pen kelısımnıŋ nyǧaiuyna üles qosyp jürgen elordadaǧy etnomädeni bırlestıkterdıŋ jetekşılerıne marapatty Astana qalasy äkımınıŋ orynbasary Ermek Amanşaev tabys ettı. «Qalamyz el Täuelsızdıgınıŋ 25 jyldyq mereitoiyn ülken jetıstıktermen qarsy alyp otyr. Qanşama şarualar atqarylyp, tolaiym tabystarǧa qol jetkızdık. Qazaqstan halqy Assambleiasynyŋ qūramynda jürıp, sızder de osy jetıstıkke eleulı üles qostyŋyzdar. Bıraq osymen toqtalyp qaluǧa bolmaidy. Keler jyly bızdı būdan da biık, jauapty kezeŋder kütıp tūr. Sonyŋ bırı ärı bıregeiı – EKSPO-2017 halyqaralyq körmesı. Sızder de küllı älem nazaryn audaryp otyrǧan būl şaranyŋ öz deŋgeide ötuıne bır kısıdei atsalysady dep senemın» dep atap öttı Ermek Amanşaev.
Saltanatty şara barysynda bas-aiaǧy 15 adam marapatqa ie boldy. Olardyŋ üşeuıne Qazaqstannyŋ qalyptasuy men damuy jolyndaǧy eŋbegı üşın QHA-nyŋ «Bırlık» medalı tabystaldy.
Bürkıt NŪRASYL
