İlon Maks zymyranymen jerserık ūşyramyz
Astanada «Digital Bridge» halyqaralyq innovasiialyq forumy öttı. Oǧan Qazaqstan ükımet basşysy B.Saǧyntaev, düniejüzılık IT-qoǧamdastyǧynyŋ ökılderı, tehnologiia salasyndaǧy sarapşylar, käsıporyn basşylary, tehnologiialyq käsıpkerler jäne ǧalymdar qatysty.
Şarada söz alǧan QR Qorǧanys jäne aeroǧaryş önerkäsıbı vise-ministrı Marat Nūrǧojin jaqynda Qazaqstannyŋ İlon Mask zymyranymen Jerserık ūşyratynyn süiınşıledı.
– 19 qaraşa künı Kaliforniiada «Falcon 9» zymyranymen 2 jerserık ūşyramyz. Osylaişa injenerlerımız ben konstruktorlarymyz daiyndaǧan äzırlemelerdı ǧaryşta aprobasiialaimyz. Bügınge deiın 150-den asa otandyq injener Europa elderı men Reseide taǧylymdamadan ötıp keldı, – dedı vise-ministr.
Jiyn barysynda tanymal kompaniialar tarapynan Qazaqstan üşın tiımdı ūsynystar aityldy. Mäselen, «Hyperloop Transportation Technology» kompaniiasynyŋ bas direktory Dirk Alborn saǧatyna 457 şaqyrymdy baǧyndyratyn futuristık poiyz jobasyn bızdıŋ elımızde de ıske asyruǧa niettı ekenın jetkızdı. Būl joldyŋ bır şaqyrymynyŋ qūny şamamen – 20 mln dollar. Alaida D.Albornnyŋ aituynşa, eŋbek resurstaryna bailanysty Qazaqstanda jobanyŋ qūny edäuır arzanǧa tüsuı mümkın eken.