Monitoring toptary sanitarlyq-epidemiologiialyq talaptardy saqtau boiynşa reidterdı jalǧastyruda.
Nūr-Sūltan qalasynda ötken aptada monitoring toptary karantin tärtıbın būzudyŋ bırqatar derekterın anyqtady. Reid barysynda «Gauhartas» meiramhanasy men «Orient klab» spa-salonynda karantin rejimı saqtalmaǧany anyqtaldy. Olarǧa aiyppūl salyndy. 9 tamyzda monitoring toby keşkı aralau barysynda polisiia qyzmetkerlerı jäne Esıl audanynyŋ tauarlar men körsetıletın qyzmetterdıŋ sapasyn jäne qauıpsızdıgın baqylau basqarmasynyŋ ökılderımen bırlesıp «Tequila» laundj-bary men «Ginza» meiramhanasynda karantin rejimı būzylǧanyn anyqtady. Tärtıp saqşylary tüsındıru jūmystaryn jürgızıp, atalmyş nysandardyŋ basşylarynan tüsınıkteme aldy.
Sondai-aq, tekseruşıler «Halyqtyŋ sanitarlyq-epidemiologiialyq salauattylyǧy salasyndaǧy zaŋnama talaptaryn būzu» baby boiynşa materialdardy beru jäne äkımşılık hattamany resımdeu üşın baianat jasady.
Baiqoŋyr audanyn aralau nätijesınde «Ponaehali» bary men «Nalivali» dükenınde tärtıp būzuşylyq anyqtaldy. Mobildı top müşelerı nysandardyŋ menşık ielerımen būzuşylyqtardy joiu turaly tüsındırme ötkızdı.
