«Jastar» saraiynda ötken būl järmeŋkege 100-den asa jūmys beruşı qatysyp, 3000-nan astam jūmys ornyn ūsyndy. 1000-nan astam jūmys ızdeuşı jūmys beruşılermen tıkelei söilesıp, tüiındemelerın qaldyrdy. «Būl şarany jyl basynan berı törtınşı ret ūiymdastyrdyq. Jyl soŋyna deiın taǧy 2 märte järmeŋke ötkızudı josparlap otyrmyz. Osylaişa «Jastar jyly» aiasynda da jūmyspen qamtu kölemın keŋeituge küş saldyq» dedı qalalyq jūmyspen qamtu ortalyǧy direktorynyŋ orynbasary Nūrlan Balyqbaiūly.
Ortalyqtyŋ deregıne süiensek, biyl jyl basynan berı ortalyq arqyly 4000 adam jūmysqa ornalasqan. Olardyŋ arasynda 121 adam äleumettık jūmystarǧa, 1968 adam qoǧamdyq jūmystarǧa tartylsa, qalǧan 1370-ten asa azamat tūraqty jūmysqa ornalastyrylǧan.
Biyl qala boiynşa köpbalaly analardy jūmyspen qamtuǧa baǧyttalǧan arnauly baǧdarlama boiynşa 2100 grant bölıngen. «Köpbalaly analarǧa 200 ailyq eseptık körsetkış boiynşa, 500 myŋ teŋge kölemınde qaitarymsyz kömek jasalyp, 84 mamandyq boiynşa käsıpke baulu josparlanyp otyr. Qazır de ūsynystar qabyldanyp jatyr» dedı ol.
Ūqsas jaŋalyqtar
Leave a Reply