Būl üi 2015 jyly problemaly dep jariialanǧan, mūnda 537 ülesker tırkelgen. «Memsaraptama» RMK-nyŋ jūmys jobasy boiynşa oŋ qorytyndysy bar. Nūr-Sūltan qalasynyŋ Qūrylys jäne tūrǧyn üi saiasaty basqarmasy syrtqy injenerlık jelılerdı saluǧa konkurs ötkızdı, alaida qazırgı uaqytta jelılerdıŋ qūrylysy bastalǧan joq. «İnjenerlık jelı tenderın ūtyp alǧan kompaniia jelını ötkızuı kerek. Üi salu jobasyn jeŋıp alǧan adamdar üidı saluy kerek. Ärkım öz ısımen ainalysuy kerek. Bärı bar siiaqty, bıraq jūmys alǧa baspai jatyr. Eger olar bızge qol ūşyn berse, bız de kömektesuge daiynbyz. Qazan aiynda su qatyp qalady, sonda qūrylysşy ne ısteidı?» deidı üleskerler. Sonymen qatar, üleskerler jūmys qarqynyna narazy. «Qūjattardy räsımdeu prosesı qysta bärı ornynda bolǧan kezde bastaluy kerek. Al jazda ünemı bıreu eŋbek demalysynda bolady. Jazda qūrylys mausymy qyzyp jatqan kezde jūmys toqtatylyp qalmasy üşın mamandar eŋbek demalysyna qysta şyqsyn. Qazır mūnda ekı jūmysşy qūdyqty tazalap, bır-ekı kün ainalasynda jüre tūrdy, boldy, būl keşen aumaǧynda eşkım joq» deidı tūrǧyndar.
Qala äkımdıgı üleskerlık qūrylysy bar nysandardy tekseru prosesın tıkelei basqaratyn bolady. «Men kün saiyn ekı mezgıl problemaly nysandardy aralap, üleskerlermen kezdesemın. Qandai mäselelerdı şeşu kerek ekenın jäne qūrylystyŋ nege qymbat ekenın bılemın. Qūrylys saluşy özıne mındettemenı alǧannan keiın, ony oryndauy kerek. Bız barlyq kedergılerdı eŋseremız, bırge jūmys ısteimız. Şeşımı de joq emes. Eŋ bastysy, qūrylys mausymy kezındegı uaqytty bosqa ötkızbei, tiımdı paidalanu qajet» dedı A.Kölgınov.
Ūqsas jaŋalyqtar
Leave a Reply