Otbasy – baqyt Otany
Bas qalada «Jas ūlan» respublikalyq qoǧamdyq bırlestıgı «Otbasy – baqyt mekenı» jobasy aiasynda qalalyq «Mereilı otbasy» baiqauynyŋ jeŋımpazy, 25 jyl tatu-tättı, jūp jazbai ǧūmyr keşıp kele jatqan Erekeşovter äuletımen kezdesu ūiymdastyrdy.
Kezdesuge mektep oquşylary, studentter, jas otbasylar qatysty. Jylylyqqa toly keşte Asyljan men Manira Erekeşovter jastarǧa otbasyndaǧy tatulyq turaly söz örbıttı. Būl ekı kısı medisina salasynda eŋbek etedı. Osyndai kürdelı salada eŋbek ete jürıp, üş bala tärbielegen. Bügınde olardyŋ bärı – joǧary bılım alǧan bılıktı azamattar.
Sondai-aq, äserge toly keşke «Altyn dauys» baiqauynyŋ jeŋımpazy, tanymal diktor, ekı ūldyŋ äkesı Mūhamedälı Bolatūly jūbaiy Säulemen qatysyp, özderınıŋ otbasylyq ömırlerı jaiynda jinalǧandarǧa aityp berdı.
Osy joba aiasynda ūiymdastyrylǧan «Menıŋ otbasym – menıŋ maqtanyşym» atty beine baiqauynyŋ qorytyndysy şyǧaryldy. 33 jūp qatysqan baiqauda tek bır ǧana otbasy jeŋımpaz dep tanyldy. Qazylar alqasynyŋ şeşımımen ūtysqa qoiylǧan qomaqty qarjy Amanovtar otbasyna būiyrdy.