31 mamyr – Saiasi quǧyn-sürgın qūrbandaryn eske alu künıne orai Memleket basşysy Nūrsūltan Nazarbaev Astananyŋ ırgesındegı Aqmol auylynda ornalasqan «ALJİR» memorialdy mūrajai keşenıne bardy. onda Elbasy qaraly jyldardaǧy qandy azapty körgenderdıŋ ūrpaqtarymen, tuystarymen kezdesıp, eskertkış taqtaǧa gül şoǧyn qoidy.
Osydan tura 20 jyl būryn Elbasy Jarlyǧymen osy atauly eske alu künı bekıtılgen bolatyn.Nūrsūltan Nazarbaevtyŋ aituynşa, būl kün Qazaqstan tarihynda airyqşa kün bolyp sanalady. Sondyqtan da ol saiasi quǧyn-sürgın qūrbandaryn jalpyūlttyq eske alu künı retınde atap ötıledı.
– Bır ǧana Qazaqstannyŋ özınde sol jyldary 103 myŋnan asa adam tūtqyndalyp, onyŋ 25 myŋnan astamy atu jazasyna kesıldı. Qazaq ziialylarynyŋ betke ūstar ökılderınıŋ, respublika basşylyǧynyŋ tügelge juyǧy joiyldy. Qazaqstannyŋ är tükpırındegı 11 lagerdıŋ qabyrǧasynda adamdar qinau men azaptau saldarynan qaza boldy. Sol lagerlerde millionnan astam adam jazasyn ötedı. Saiasi qairatkerlermen qatar, olardyŋ jūbailary men balalary da quǧyn-sürgınge ūşyrady. Keibır näresteler sol lagerlerde düniege keldı, – dedı Memleket basşysy.Sondai-aq, Elbasy qiyn kezeŋde elımız saiasi quǧyn-sürgınge ūşyraǧan özge ūlt ökılderıne qamqorlyq körsetkenın aityp öttı. Osyndai qiyndyqty bastan ötkızgen elımız bügınde bırtūtas halyqqa ainaldy.
– Halqymyz osy qaiǧyly oqiǧalardy este saqtauǧa tiıs. Mūndai qasıret qaitalanbas üşın ony bolaşaq ūrpaq bıluı kerek. Bügınde bız qūqyqtyq jaŋa memleket qūrdyq. Qazaqstanda azamattardyŋ qūqyqtary men bostandyqtary qorǧalǧan. Bızdıŋ elde saiasi qudalauǧa oryn joq. Bız evoliusiialyq damu jolyn taŋdadyq, – dedı Memleket basşysy.
Serık JOLDASBAI
