QALA QALYPTY DAMU ÜSTINDE
ELBASY NŪRSŪLTAN NAZARBAEV «ASTANA QALASYNYŊ BAS JOSPARY» ǦYLYMİ ZERTTEU-JOBALAU İNSTİTUTYNDA BOLYP, QALA TŪRǦYNDARYNYŊ ÄLEUMETTIK JAǦDAIYN ODAN ÄRI JAQSARTU JÄNE ELORDANYŊ İNFRAQŪRYLYMDARYN DAMYTU ŞARALARYNA BAILANYSTY OILARYN ORTAǦA SALDY.
«Akorda.kz» saitynyŋ habarlauynşa, Elbasy Astana halqynyŋ sany köşı-qon üderısı esebınen 900 myŋ adamǧa jaqyndaǧanyn, olardyŋ sanyn 2-3 millionǧa jetkızu josparda joqtyǧyn, būl üşın aldymen infraqūrylymdyq salada köptegen jobalar jasalu qajettılıgın aitqan.
Elbasy elordanyŋ maŋaiy men qalanyŋ ışındegı jer telımderı mäselesın köterıp, kezınde jeke tūlǧalardyŋ ielıgıne ötıp ketıp, älı künge igerılmei jatqan jerlerdı memleketke kerı qaitaru mäselesın köterıp, ony jüzege asyrudy prokuraturaǧa tapsyrdy.
– Bız sol jer telımderınıŋ ielerı kımder ekenın bıletın bolamyz jäne därejesıne, ataq-şenıne qaramastan, memleketke qaitartamyz, – dedı Prezident.
Sondai-aq, Memleket basşysy EKSPO-2017 halyqaralyq körmesı qarsaŋynda alǧaşqy jyldary asyǧys salynǧan üilerdıŋ qasbetın jaqsartudy jalǧastyrudy tapsyrdy. Jeŋıl relstı kölıktı ıske qosu arqyly qaladaǧy kölık problemalary da şeşıluge tiıs.
Būdan basqa da mäselelerge toqtalǧan Elbasy:
– Qalany üzdıksız keŋeite beruge mümkındık joq. Astana – elımızdıŋ äkımşılık ortalyǧy. Ol tūrǧyndar üşın yqşam ärı jaily, qolaily boluy tiıs. Qala qalypty damu üstınde. Bız salynatyn qūrylystardyŋ perspektivasyn zertteudı jalǧastyruymyz kerek jäne elordaǧa köşıp kelgende bırden päter nemese üi berıledı dep jūrtşylyqty ümıttendırmeuımız qajet. Osy mäselenıŋ tolǧaǧy jettı. Men mūqiiat daiyndalyp, arnaiy keŋes ötkızudı tapsyramyn, – dedı.
Būǧan qosa, Nūrsūltan Nazarbaev elorda maŋynda jäne qala ışınde «jasyl beldeudı» ūlǧaitu jūmystaryn jalǧastyrudy tapsyrdy.
Astana qalasynyŋ äkımı İmanǧali Tasmaǧambetov Memleket basşysyna elorda arhitekturasy men qala qūrylysy salasynda jürgızılıp jatqan jūmystar jönınde baiandap, jobalyq ūsynystardy nazaryna ūsyndy, sondai-aq, qabyldanǧan jobalardyŋ ıske asyrylu barysy jaiynda habardar ettı.
Soŋynda Memleket basşysy bırqatar mäseleler jönınde tiıstı memlekettık organdarǧa naqty tapsyrmalar berdı.