Qazaqstan Respublikasy Prezidentınıŋ Jarlyǧy
A.S.Kölgınovtı Nūr-Sūltan qalasynyŋ äkımı qyzmetıne taǧaiyndau turaly
Altai Seidırūly Kölgınov Nūr-Sūltan qalasynyŋ äkımı bolyp taǧaiyndalsyn.
Qazaqstan Respublikasynyŋ Prezidentı Q.TOQAEV
Nūr-Sūltan, Aqorda,
2019 jylǧy 13 mausym
Altai Seidırūly KÖLGINOV
1978 jyly düniege kelgen. Altai Kölgınov A.Iаssaui atyndaǧy halyqaralyq qazaq-türık universitetın, QR Prezidentı janyndaǧy memlekettık basqaru akademiiasyn, «Bolaşaq» baǧdarlamasy boiynşa Ūlybritaniianyŋ Aberdin universitetın bıtırgen. Memlekettık jäne jergılıktı basqaru magistrı, halyqaralyq kommersiialyq qūqyq magistrı.
2000 jyly Qazaqstan Respublikasynyŋ Qaruly küşterınde qyzmet etken. 2001-2008 jyldary Qazaqstan Respublikasy Ädılet ministrlıgı, Memlekettık qyzmet ısterı agenttıgı jäne Bas prokuratura organdarynda ärtürlı lauazymda qyzmet atqardy. 2008-2010 jyldary «AlaşMediaGrupp» JŞS bas direktorynyŋ orynbasary. 2010-2012 jyldary QR Prezidentı Äkımşılıgınıŋ aimaqtyq-ūiymdastyru jäne memlekettık baqylau jūmystary bölımınıŋ memlekettık inspektory qyzmetın atqardy. 2012-2013 jyldary Batys Qazaqstan oblysy äkımınıŋ orynbasary. 2013-2016 jyldary Oral qalasynyŋ äkımı qyzmetınde boldy. 2016-2019 jyldary Batys Qazaqstan oblysynyŋ äkımı boldy.
2019 jylǧy 13 mausymnan bastap Nūr-Sūltan qalasynyŋ äkımı.
