Jol jūmystaryn jürgızuge bailanysty Syǧanaq köşesınen Orynbor köşesıne deiıngı uchaske ışınara jabylady, dep habarlaidy astana-akshamy.kz
Osy jyly Tūran daŋǧyly boiynşa Kerei – Jänıbek handar köşesınen Jūldyz ainalymyna deiıngı uchaskede jol tösemıne ortaşa jöndeu jürgızu josparlanuda (2023 jyly Tūran daŋǧyly boiynşa «Tūlpar» köpırınen Saraişyq köşesıne deiıngı uchaskede jol jūmystary jürgızıldı). Jūmystar uchaskelerdıŋ toqsan saiyn jabyluymen kezeŋ-kezeŋmen jürgızıletın bolady.
Biylǧy 19-24 säuır aralyǧynda jūmystar Kerei – Jänıbek handar köşesınen Orynbor köşesıne deiıngı uchaskede jürgızıletın bolady. Osyǧan bailanysty Syǧanaq köşesınen Orynbor köşesıne deiıngı Tūran daŋǧylynyŋ uchaskesı ışınara jabylady. Būl rette avtokölık qūraldarynyŋ qozǧalysy bır baǧytta (qaladan äuejaiǧa qarai) jüzege asyrylatyn bolady.
Jöndeu jūmystaryn jürgızu kezeŋınde qalalyq qoǧamdyq kölık marşruttarynyŋ qozǧalys syzbalary özgertıletın bolady. Būl turaly «Sity Transportation Systems» JŞS resmi saitynda tanysuǧa bolady cts.gov.kz Facebook jäne Instagram äleumettık jelılerınde.
Elorda tūrǧyndary men qonaqtarynan qala joldaryndaǧy keptelısterdı boldyrmau maqsatynda öz marşruttaryn aldyn ala josparlaudy sūraimyz. Uaqytşa qolaisyzdyqtar üşın keşırım ötınemız jäne jol-qūrylys jūmystaryn jürgızuge tüsınıstıkpen qaraudy sūraimyz.
