Ortalyq kommunikasiialar qyzmetınde ötken «Halyqty äleumettık qorǧau salasyndaǧy QR zaŋnamalary» turaly brifing barysynda QR Eŋbek jäne halyqty äleumettık qorǧau ministrı Tamara Düisenova Memleket basşysynyŋ tapsyrmasy boiynşa halyqaralyq täjıribeler negızınde azamattyq qyzmetkerlerge eŋbekaqy töleudıŋ jaŋa modelı jasalyp jatqandyǧyn mälımdedı.
Būl joba qyzmetkerler lauazymyn bılım men bılıktılıkke, atqarylatyn jūmystyŋ kürdelılıgı men jauapkerşılık deŋgeiıne bailanysty tört sanatqa jıkteidı: basqaruşy, negızgı, äkımşılık-şaruaşylyq jäne tehnikalyq qyzmetkerler. Olardyŋ jalaqysy koeffisientterdıŋ arnaiy kestesı arqyly eseptelmek. Būl keste barlyq saladaǧy lauazymdarǧa ortaq boluy közdelude. «Eŋbekaqy töleudıŋ jaŋa modelı üş kezeŋ boiynşa jüzege asady. Bırınşı kezeŋde eŋbekaqy bılım jäne bılık deŋgeiıne, lauazym därejesıne qarai tölense, ekınşısınde eŋbektıŋ soŋǧy nätijesı eskerılıp, ūsynylǧan qyzmet sapasy boiynşa tölem jüiesın yntalandyratyn komponentter engızıledı. Üşınşı kezeŋde azamattyq qyzmetşılerge saralanǧan qosymşa tölem töleudıŋ maqsattylyǧy, qajettılıgı, mümkındıgı sol öŋırdegı naqty qūnyna qarai qarastyrylady» deidı ministr Tamara Qasymqyzy. Onyŋ aituynşa, būl joba bılım beru salasyndaǧy jūmysşylar jalaqysyn – 29%-ǧa, densaulyq saqtau qyzmetkerlerınıkın – 28%-ǧa, basqa da azamattyq qyzmetkerler eŋbekaqysyn – 40%-ǧa arttyruǧa mümkındık beredı.
Azamattyq qyzmetkerlerge eŋbekaqy töleudıŋ jaŋa modelı 2015 jyldyŋ 1 şıldesınen bastap jüzege asady. Ony engızuge respublika qazynasynan jarty jylǧa – 139 mlrd teŋge, al bır jylǧa – 278 mlrd teŋge bölınbek.
Mädina JAQYP
