Nūr-Sūltan qalasynyŋ Jastar saiasaty mäselelerı basqarmasy ūiymdastyratyn «Jastar jalyny-2021» jastar şyǧarmaşylyq baiqauyna qatysuǧa ötınımder qabyldau jalǧasuda.
Konkursqa vaksinasiiadan ötken 29 jasqa deiıngı elordalyq JOO studentterı qatysa alady. Baiqau 10 nominasiia boiynşa: estrada, ūlttyq bi, zamanaui bi, muzykalyq aspaptar, aitys, poeziia, media, teatr, suret salu, jastardyŋ küşı nominasiialary boiynşa ötedı. Auqymdy jobaǧa qatysuǧa ötınımder 11 qazanǧa deiın qabyldanady.
Konkurstyq joba Qazaqstan Respublikasy Prezidentınıŋ «Qazaqstan-2050» strategiiasynda 2021 jylǧa deiıngı memlekettık jastar saiasatynyŋ tūjyrymdamasynda körsetılgen jastar saiasaty salasyndaǧy basymdyqtar men mındetterdı ıske asyruǧa; elorda jastarynyŋ şyǧarmaşylyq damuy üşın jaǧdai jasauǧa; student jastardyŋ ruhani-mädeni äleuetın damytuǧa; studentterdı estetikalyq jäne etikalyq tärbieleu jüiesın jetıldıruge baǧyttalǧan.
«Jastar jalyny-2021» konkursant bılım alatyn JOO-nyŋ jastar ısı jönındegı komitetı arqyly jüzege asyrylady.
Baiqaudyŋ saltanatty aşyluy 11 qazanda ötedı, al jeŋımpazdardyŋ esımderı 16 qazanda ötetın gala-konsertte belgılı bolady.
Ūqsas jaŋalyqtar
Leave a Reply