Jastar şaǧyn audanynan bastalatyn Asan qaiǧy köşesındegı nebärı 300 metr jol şūrq-tesık bolyp jatyr. Sonyŋ saldarynan avtokölıkter 1 minutta ötıp ketetın jerden 10-15 minut kıdırıp, tasbaqanyŋ küiın keşude. Al osy joldy jöndeuge avtomobil joldary basqarmasy nelıkten qūlyqsyz bolyp otyr?
Elordadaǧy negızgı köşeler taqtaidai tegıs bolǧandyqtan «Astanada joldyŋ mäselesı joq şyǧar» dep oilauymyz bek mümkın. Öitkenı jyl saiyn bas qalanyŋ negızgı joldary sürılıp tastalyp, onyŋ ornyna jaŋadan asfalt töselıp jatady. Alaida Astananyŋ qaq ortasyndaǧy şūrq-tesık joldy körgen kezde «Aspannan kiız jausa, qūlǧa ūltaraq ta timeidı» degen qazaqtyŋ mätelı eske tüstı. Mäselen, Asan qaiǧy köşesındegı jol bırneşe jyldan berı jöndeu körmei tūr. Al avtokölık jürgızuşılerı bolsa, qalanyŋ qaq ortasyndaǧy köşenıŋ nazardan tys qalyp otyrǧanyna qynjylys bıldıredı.
– Osy jolmen kün saiyn bolmasa da künara jüremın. Ökınışke qarai, tap osy köşege kelgen kezde kıbırtıktep jüre almai qalamyz. Būl joldyŋ kemşılıgı qys mezgılınde asa bılınbeitın edı. Sebebı qalyŋ qar qotyr joldyŋ tesıgın bıtep tastaǧan soŋ, ärı-berı qozǧalu qiyndyq tudyrmaityn. Äitse de, köktem kelıp, qar erıgennen keiın osy jol qaitadan oidym-oidym bolyp qaldy. Osynyŋ kesırınen 1 minutta ötıp ketetın jerden 10-15 minut tūryp qalamyz.
Būl – bır. Ekınşıden, jaman joldyŋ saldarynan kölıkterımızdı jöndeu ortalyǧyna aparamyz. Būl da qaltaǧa salmaq salyp tūr, – deidı Aqylbek Beisenbek esımdı jürgızuşı.
Kez kelgen jürgızuşını toqtatyp «Asan qaiǧy köşesındegı joldyŋ sapasy qalai?» dep sūrasaŋyz «jylap» qoia beredı. Sondai-aq, osy joldyŋ boiynda tūratyn azamattar da joldyŋ tez arada jöndelgenın qalap otyr. Alaida olar jol jöndelgen jaǧdaida jürgızuşıler jyldamdyqty şamadan tys asyryp, balalarǧa qauıp töndıruı mümkın degen pıkırde.
– Ärine, bız şūrq-tesık joldyŋ jöndelgenın qalaimyz. Alaida tep-tegıs jol salynǧan soŋ jürgızuşıler jyldamdyqty şamadan tys asyryp jıbermei me eken dep alaŋdap otyrmyn. Sebebı qalamyzda avtokölıkke otyrsa, jan balasyna jol bermei ketetın jürgızuşıler jeterlık. Mıne, osy mäselenı aldyn ala eskerıp, jolǧa jasandy kedergıler qoiylsa jaqsy bolar edı. Öitkenı keibır jürgızuşılerdıŋ jyldamdyqty arttyryp, balalarǧa qauıp töndıruı mümkın. Balalar tūrmaq, kei kezde ülken kısılerdıŋ özı joldan öte almai jatady, – deidı Azamat Orazalin.
Şynynda da, tūrǧyndardyŋ alaŋdauyna negız bar. Öitkenı oqys oqiǧa Astanada jiı bolmasa da, anda-sanda oryn alyp otyrady. Sondyqtan da jol jöndelgennen keiın jasandy kedergıler qoiylsa, nūr üstıne nūr bolar edı. Al 300 metr joldyŋ jyryn Avtomobil joldary basqarmasy jyldan jylǧa qaldyrmai şeşıp tastasa bolar edı. Sebebı Astananyŋ qaq ortasyndaǧy köşenıŋ syny özge jūmystarǧa köleŋke keltırıp tūr.
Serık QŪDAIBERGENŪLY,
«Astana aqşamy»
