Elorda joldaryndaǧy apatty azaitu üşın qoǧamdyq kölıkterdıŋ qozǧalysyna arnalǧan Bus Lane keibır joldarynda jyldamdyq saǧatyna 40 şaqyrymǧa deiın şekteledı. Būl turaly elorda.info saity qalalyq IID baspasöz qyzmetıne sılteme jasap habarlady.
«Qala köşelerınde qoǧamdyq kölıkterdıŋ qozǧalysyna arnalyp belgılengen jolaqtarda avtobustar men jeŋıl kölıkterdıŋ qatysuymen tiesılı jolǧa būrylu maqsatynda jasalǧan manevr saldarynan bolatyn apat jiılep kettı. Astana qalasynyŋ IID Äkımşılık polisiia basqarmasymen apatty azaitu üşın qoǧamdyq kölık qozǧalysyna arnalǧan joldarda jyldamdyq saǧatyna 40 şaqyrymǧa deiın şektetıletın bırneşe aumaq belgılendı» delıngen vedomstvonyŋ baspasöz qyzmetı taratqan habarlamada.
Osyǧan orai, jol qozǧalysynyŋ barlyq qatysuşylaryna asa mūqiiat bolu qajet. Qoǧamdyq kölık qozǧalysyna arnalǧan joldardyŋ töbesınde 3.24 (maksimaldy jyldamdyqty şekteu) jäne 7.14 (qozǧalys jolaǧy) keşendı jol belgılerı paida bolady. Alǧaşqy mūndai belgı Tūran daŋǧylyna ornatyldy.
Astana qalasynyŋ IID atap ötkendei, qazırgı uaqytta joldaǧy jüktemenıŋ qabıletın jaqsartu üşın qozǧalys jyldamdyǧyn küşeitu mümkındıgı bar joldardyŋ qaşyqtyǧy zerttelıp jatyr.
